توفى 4 مصابين بكورونا في مستشفى الحسينية بمحافظة الشرقية، نتيجة ما قال عنه شهود عيان أنه انقطاع للأكسجين بالعناية المركزة، مما أدى إلى ذعر بين الأهالي والطاقم الطبي بالمستشفى.

وأظهر مقطع فيديو وجود عدد من المرضى في غرفة العناية المركزة، في ظل حالة توتر وفزع تملأ المكان بينما يتنقل المصور بالكاميرا بين أسرة المرضى وهو يصرخ: «كل الناس ماتوا، كل ما هو في العناية مات».

كما ظهرت ممرضة في الفيديو انتشرت صورتها بشكل واسع على شبكات التواصل، وكانت تجلس في زاوية الغرفة، وعلامات الرعب والحزن والعجز بادية عليها، وهي ترى أمامها تدهور أوضاع المرضى، دون أن تكون قادرة على فعل شيء لهم.

وقال مصور الفيديو المتداول إن سبب وفاة المرضى كان بسبب نقص الأكسجين، وهو ما خرجت وزارة الصحة لتنفيه سريعا، مؤكدا أن الوفيات كان سببها مضاعفات صحية.

وعلّق وكيل وزارة الصحة في محافظة الشرقية، هشام مسعود، على ما جرى بغرفة العناية المركزة في مستشفى الحسينية، مؤكدا أن 4 مرضى توفوا فعلاً وهم من المصابين بفيروس كورونا.

وأوضح مسعود «أنه لا صحة لوجود نقص في الأوكسجين، خاصة أنه يوجد تنك الأكسجين بالمستشفى متصل بشبكة تغذي جميع الأقسام داخل المستشفى، وفي حالة النقص في الأسطوانات يتم تفعيل تلك الشبكة»، على حد قوله.

وأثار مقطع الفيديو من مستشفى الحسينية انتقادات وغضباً واسعين على مواقع التواصل، فيما تصدر هاشتاج #العناية_المركزة قائمة الأعلى تداولاً على موقع تويتر، وسط اتهامات لوزارة الصحة بالتقصير في توفير احتياجات المستشفيات أثناء جائحة كورونا.

الصوره دى ممكن تكون من اسوأ الصور اللى ممكن الواحد يشوفها ف حياته.. احساس العجز وقلة الحيلة وانت شايف ارواح ناس بتضيع من تحت ايدك وانت لا حول ليك ولا قوة ومش عارف تعمل حاجه هو أسوأ احساس ممكن اى حد يحس بيه.. ربنا يزيح عنا البلاء ويزيح عنا الوباء ياااارب 🤲💔💔😔#العناية_المركزة pic.twitter.com/YsI7MZFbD5

— Mohamed Framawy⁦⁦💫⁦ (@MohamedFramawy9) January 3, 2021

حاجات كتير هاترخص و هاتبقى بسعر التراب.. انا وانت و الاستاذ و حضراتكم اجمعين #العناية_المركزة pic.twitter.com/NLAwrN7Yhc

— Abraam R Eskander (@AbraamRushdy) January 3, 2021

دي نتيجة الاستهتار والامبالاه و الروشنه ال عند الناس .. طيب عايزين نشوف اصعب من فديو العنايه المركزه ايه عشان نحس ان احنا ف خطر بجد صورة الممرضه دي هتبقى من اصعب الصور ال هنشوفه ف حياتنا ربنا يرحم المتوفين ويشفي كل مريض يارب #العناية_المركزة pic.twitter.com/HaZqMBPho5

— Mohamed Mostafa (@Mohamedpoka7) January 3, 2021

علي أساس أنه بيكلم عيال صغيرة
٦ أشخاص ماتوا ف نفس الثانية صدفة اللي هو لو ده مثلا معدل الوفيات ٦ أشخاص ف الثانية ف كل مستشفي يومين تلاتة والشعب كله هيموت #العنايه_المركزه pic.twitter.com/tCVPNm6FaH

— Ibtisam (@Ibtisamrm) January 3, 2021

#العنايه_المركزه
حقيقة انقطاع الأكسجين داخل مستشفى الحسينية!!!! pic.twitter.com/JGq0rT0y2Q

— Amr (@Amr97805163) January 3, 2021