خالونا نتكلم بوضوح وبصراحه .. كلنا بشر وكلنا غلطنا وأنا كا واحد من شباب الإخوان بقول إحنا غلطنا في بعض الحجات .. المهم .. إحنا خلعنا مبارك وسيبنا كل مؤسساته شغاله وبعد سنتين من فساد ضخم وفترة إنتقاليه وفوضى حقيقية وعدم إستقرار لسه إعلام وقضاء وشرطة وفلول وبلطجية نظام مبارك لسه موجودين وشغالين .. قضاء نظام مبارك وضيع حق الشهداء .إعلام نظام مبارك وخون الكل وخلى الشعب مغيب وخلى الفلول ثوار والثوار فلول .بلطجية وشرطة مبارك وعمالين يقتلوا في الشعب والشباب ومحدش بيتمسك ومحدش بيتحاكم .عندك الإخوان و٦ إبريل والأولتراس إتخونوا في الفتره دي وظهر ناس جديده مشاركتش في الثورة ومنعرفش عنهم حاجه وبقوا هم الثوار وإصحاب الثورة .. والمرسي لسه ماسك ولسه متمكنش بس بيحاول .. المحاكمه الوحيده الي فاضله هي محاكمة المتهمين في مجزرة بورسعيد .معلش بالعقل كده بعد كل الي مرينا بيه هتقولي عاوز قصاص للشهداء طب إزاي ؟ . مش بقولك تتشائم لا خاليك متفائل بس فكر بمنطق وبأمر واقع .. هتقولي مرسي معملش حاجه هقولك أغلب من مؤسسات الدولة ضد مرسي وتبع مبارك وصعب يتم تطهيرهم في شهور مرسي محتاج وقت أكتر .. إحنا بندفع تمن غلطتنا إننا سيبنا الميدان بعد تنحي مبارك وسيبنا مؤسساته شغاله .. عاوز تجيب حق الشهداء كلهم بدون تصنيف يبقى نرجع كلنا الميدان إيد واحده وننسى المسميات ننزل ضد مؤسسات مبارك الي لسه موجوده وشغاله ونصلح غلطتنا إننا خلعنا مبارك وسيبنا مؤسساته ….
