حذر عبدالفتاح السيسي خلال افتتاحه عدد من المشروعات بنطاق محافظتي جنوب سيناء والسويس، من تشويه الإنجازات عبر الشائعات التى انتشرت خلال الشهور الماضية.
وقال السيسي إن الإعلام في مصر يحتاج للحديث بشكل أكبر لمجابهة الشائعات وخداع الناس، مضيفا، «إحنا مسئولين مع بعض كلنا، الدولة بمؤسساتها وإعلامها إنها تبقى هي الحامي والمدافع عن وعي المصريين».
وأكد السيسي في حديثه أن ما تم خلال 4 سنوات لم يحدث على مدار 15 و20 سنة، واستكمل: «هنفتتح كل يوم مشاريع علشان المصريين يشوفوا عمل الدولة الكبير لتغيير حياتهم»
وأضاف، «أنا قولت الكلام دا قبل كده، بيحاولوا كل يوم ألف وألفين شائعة وتكذيب وتحريف وإفك، والناس معذورة وبسيطة ومشغولة في أكل عيشها وحياتها اليومية، فهو مش هيقعد يدقق في كل اللي بنتكلم فيه ده، إحنا محتاجين نكرره ونتكلم فيه».
وعقب ذلك شارك السيسى، فى جولة تفقدية فى المشروعات القومية بالسويس، واطلع على سير العمل فيها، مثل مصنع الدرفلة للحديد والصلب.
وفي تصريحات حول الطرق، قال السيسي إن الدولة أنفقت 5.5 مليار جنيه من أجل الطريق القديم بجنوب سيناء المعروف بطريق الموت.
وتابع، «بناء الدول مش ببلاش، وسيناء اللى كنا دايما بنتكلم عنها ومحدش إداها الاستثمارات الكافية، الدولة خلال السنوات اللى فاتت حطت استثمارات هائلة، والموضوع مش مرتبط بعدد السكان، ولكن مرتبط بأمن قومى مصرى و60 ألف كيلو متر مساحة سيناء، وحطينا استثمارات بـ 800 مليار جنيه شاملة محطات التحلية والطرق والأنفاق والمناطق الصناعية، والمساكن».
