دخلت الأم إلى غرفة العمليات تحمل فى أحشائها جنينين من الذكور، وبعد ساعات قليلة استغرقتها بدأت تسترد وعيها في غرفة الإفاقة، التفتت حولها لتجد طفلا واحدا يصرخ بملء فيه وإلى جوارها زوجها غارقا في حيرته مما سمعه من الطبيب.
علا عبدالفتاح، 31 عاما، قالت: «كنت حامل في توأم، دخلت أوضة العمليات خرجت بعيل واحد، جوزي سأل الدكتور: فين الواد التاني؟ قال له: مفيش، أنا دوّرت في بطنها كويس مالقتش غير عيل واحد». وأمام دهشة الأب وائل محمد مما سمعه لاحقه الطبيب بقوله: «دي معجزة من عند ربنا، أنا طلّعت المعدة والكبد ودورت جوه الرحم مالقتش حاجة، ابنك ده مبروك».
الزوجان رفعا قضية على الطبيب مرفقة بمستندات تثبت الحمل في طفلين.. والطبيب يرد بقضية تعويض لتشويه سمعته.
وأضافت «علا» أنها قبل شهرين من الولادة اشتد التعب عليها ولم تجد أمامها سوى ذلك الطبيب القريب من منزلها بمنطقة فايد، في محافظة الإسماعيلية، حينها طلب منها الطبيب عمل بعض الأشعة في المعمل الذي يتعامل معه باستمرار، وبالفعل أظهرت النتائج أنها حامل في توأم، وكررت الأشعة قبل الولادة بيوم واحد بناء على طلب الطبيب، وبحسب زوجها «وائل»: «بعد الولادة فوجئنا بالممرضة ومعاها طفل واحد بس، بقول لها: والتاني؟ قالت: لا مفيش، والدكتور سابنا ساعتين وجه، فبقول له: فين ابني التاني؟ قال لي مفيش.. دورت كويس مالقتش حاجة».
