نشرت قناة «مكملين» تسريبًا صوتيًا لضابط مخابرات يُدعى النقيب أشرف الخولي مع الإعلامي مفيد فوزي بشأن إعلان القدس عاصمة «إسرائيل».
وكان الرئيس الأميركي دونالد ترامب، قد أعلن في 6 ديسمبر الماضي، القدس عاصمة «إسرائيل»، ووصفت دول عديدة قرار ترمب بأنه انحياز فاضح للاحتلال الإسرائيلي.
وقال «الخولي» لـ«فوزي»: «دلوقتي إحنا هنستنكر مع جميع الأشقاء العرب كما متفق عليه، ثم بعد كده هنتكلم على إن المهم إنهاء معاناة الشعب الفلسطيني يا فندم».
وأضاف نقيب المخابرات: «مش هتفرق القدس من رام الله أهم شيء إن إحنا ننهي هذه المعاناة، وإحنا ياما وقفنا جنب الفلسطينيين»، مضيفًا: «ومصر ياما وقفت ومستعدين يعني نقف جنب إخواتنا بكل اللي نقدر عليه، المهم إن حماس تخرج من الموضوع ده».
وتابع: «إنما دلوقتي الخوف من انتفاضة فلسطينية يقتل فيها الفلسطينيين، وهنية هيتدخل وحماس وهيبقلهم يعني وجود تاني، بعد لما بدأ يخفت وجودهم زي ما حضرتك عارف».
وبالأمس، كشفت صحيفة «نيويورك تايمز» الأميركية، عن تسريبات تتحدث عن قبول عبدالفتاح السيسي برام الله عاصمة لفلسطين بدل القدس.
وجاءت المكالمة ونصها كالتالي:
تسريب القدس من قناة مكملين .. مفيد فوزي
تسريب القدس من قناة مكملين .. مفيد فوزي#تسريب_القدس#السيسي_باع_القدس#مكملين
Publié par قناة مكملين – الصفحـة الرسمية sur dimanche 7 Janvier 2018
النقيب أشرف: بنتكلم على إعلان الرئيس ترامب إن القدس عاصمة لإسرائيل
تمام يا فندم
مفيد: تمام معاك
النقيب أشرف: طيب إحنا دلوقتي بنقول إن في موجة استنكار، إحنا ماشيين معاها؛ إن إحنا بنستنكر هذا الأمر مع جميع أشقائنا العرب
مفيد: تمام
النقيب أشرف: تمام
مفيد: تمام
النقيب أشرف: إحنا بعد كده الموضوع هيتم؛ لأن الموضوع أمر واقع زي ما حضرتك شايف، والموضوع أصلًا مش محتاج إعلان، هو كده كده هما مسيطرين
مفيد: طبعًا أمر واقع
النقيب أشرف: الله ينور عليك؛ فدلوقتي إحنا بنقول هنستنكر مع جميع الأشقاء العرب كما متفق عليه، ثم بعد كده هنتكلم على إن المهم إنهاء معاناة الشعب الفلسطيني، يا فندم مش هتفرق القدس من رام الله؛ أهم شيء إن إحنا ننهي هذه المعاناة، وإحنا ياما وقفنا جنب الفلسطينيين.
مفيد: نعم
النقيب أشرف: ومصر ياما وقفت، ومستعدين يعني نقف جنب إخواتنا بكل اللي نقدر عليه؛ المهم إن حماس تخرج من الموضوع ده.
مفيد: تمام
النقيب أشرف: واخد بال حضرتك، إحنا الللـ الهدف هو حل جذري للمشكلة الفلسطينية؛ إنما إحنا هنفضل في الكر والفر ده ويتقتل.. هو مين اللي بيتقتل يا أستاذ مفيد؟ ما هو الفلسطينيين هما اللي بيتقتلوا بالمئات واليهود مش بيتقتل منهم حد!
مفيد: نعم
النقيب أشرف: فلذلك؛ الـ الـ الفكرة فكرة صفقة القرن نفسها، هي وضع حل جذرى للمشكلة الفلسطينية وانتهاء معاناة الشعب الفلسطيني، واخد بال حضرتك؟! إنما دلوقتي الخوف من انتفاضة فلسطينية يقتل فيها الفلسطينيين بس، مش هيقتل فيها الـ الـ الإسرائيليين.
مفيد: صحيح
النقيب أشرف: وهنية هيتدخل ووو وحماس، وهيبقى لهم يعني وجود تاني بعد لما بدأ يخفت وجودهم، زي ما حضرتك عارف، هيبدأ يجدوا في هذا القرار فرصة إذا حدثت انتفاضة.
مفيد: آه هاسألك: هل الشارع المصري وصله هذا الإحساس؟
النقيب أشرف: هو دلوقتي زي ما أنت عارف مم معدش حد يقدر ينزل غير ببـ بإذن تظاهر
مفيد: نعم
النقيب أشرف: فلذلك إحنا مش هنسمح بأي حاجة تمس الأمن القومي حاليًا، وووو والمشكلة زي كده تُحل يعني بين القادة.
مفيد: نعم
النقيب أشرف: آخد بال حضرتك، إحنا هنستنكر مفيش كلام؛ يعني الـ الـ التوجه الآن الاستنكار كل الوطن العربي وكل الأشقاء العرب، هذا القرار يعني على الأقل ااااا يعني ده ده أمر واجب؛ إنما بعد كده لما يكون الأمر ده أم.. أم.. أمر واقع، لما يكون الأمر ده أمر واقع؛ لذلك إحنا نستفيد بأه من هذا الأمر الواقع إن إحنا نحل مشكلة الشعب الفلسطيني بشكل نهائي
مفيد: تمام
النقيب أشرف: بس، فإحنا بنكلم حضرتك عشان نقول إزاي هنقدر نخلي الإعلام يوصل الكلام ده للرأي العام في مصر: إن مش هتفرق القدس من رام الله؛ أهم شيء ننهي معاناة الشعب الفلسطيني
مفيد: تمام
النقيب أشرف: اتفضل يا فندم
مفيد: تمام حاضر يا حبيبي، ده كده يعني وصلي المعنى اللي أنت عايزه؛ وده هيبان عندي حتى كتابة في الجرايد اللي أنا بكتب فيها.
ألوووووووووووووو
النقيب أشرف: أيوة يا فندم اتفضل
مفيد: أنت معايا؛ لأ ما أنا بقلك ما أكتبه صحفيًا هتوصل هذه الرسالة فيها
__________________________
مفيد: برنامج فكري مينفصلش عن الشارع
النقيب أشرف: تمام تمام
طيب أنا بس كنت حا.. يعني
مفيد: لأنه الشارع
النقيب أشرف: الهدف من المكالمة إن إحنا نتكلم في الـ كذا قضية أساسية بتواجه الدولة المصرية حاليًا؛ يعني أهمها دلوقتي موضوع القدس، وبعد كده هنيجي لموضوع سينا والقمة العربية الأخيرة؛ لكن أنا كنت عايز أحسم معاك بس الأول موضوع الللللـ القدس يعني، هل حضرتك عندك نفس الرؤية اللي أنا طرحتها عليك؟
مفيد: طبعًا… لا لا لا لا لا، بالعكس، أنا مؤمن باللي أنت بتقوله في ما يتعلق بالقدس؛ عشان كده مؤقتًا قبل ما اشتغل في الـ الـ القناة أقدر أعبر عن ده صحفيًا
النقيب أشرف: تمام تمام؛ يعني على سبيل المثال إيه الخطوط العريضة اللي حضرتك هــ هــ هتتكلم فيها؟
مفيد: أنا بكتب.. بكتب كل يوم سبت اسمه «الدنيا سؤال»
النقيب أشرف: امممم
مفيد: في «أخبار اليوم»
النقيب أشرف: تمام
مفيد: بكتب كل أسبوعين «يوميات الأخبار»
النقيب أشرف: تمام
مفيد: بكتب كل يوم تلات «سماعي» في مجلة «صباح الخير»
النقيب أشرف: تمام
مفيد: بكتب كل يوم سبت مقال في «المصري اليوم»
النقيب أشرف: تمام
مفيد: كفاية ههههه
