اتهم عبدالفتاح السيسي منتقديه بعدم الفهم والمعرفة ، زاعمًا أنه سيستفيد من مياه الصرف في زراعة مساحات خضراء جديدة وأن التاريخ سيتوقف أمام الأعمال التي يقوم بها .
وقال خلال تدشي عددًا من المشروعات في العاصمة الإدارية صباح اليوم الأربعاء: : «اللي ينصحني بيبقى فاهم وعارف ارتباط الموضوع اللي بيتكلم بيه بالموضوعات الأخرى»، مضيفا:«مش من حقنا نحلم ولا ايه».
وتابع: «محدش يتصدى للمسائل كده وخلاص، الحد اللي عايز يتكلم على مصر وموازنتها لازم تبقى متصل وتبقى على علم ودراية حقيقية».
وأضاف: «المساحات الخضراء في العاصمة الجديدة للاستفادة من مياه الصرف وعدم هدرها».
وواصل: «بنعمل أمر التاريخ هيتوقف قدامه كتير وهيشوف إننا بفضل الله بنعمل استدامة النمو ليتناسب مع حجم نمو مصر».
وعن الانتقادات التي وُجهت للعاصمة الإدارية فور الإعلان عن تأسيسها، قال «كل حاجة عندنا أولويات اللي عايز يعرف معندناش حاجة نأجلها، البلد بتنبض بالحياة ولازم أولوياتنا تنبض بالحياة».
وأضاف: « لسا بدري أوي إننا نقول حققنا، اللي إحنا فيه أول خطوة لبناء دولة حديثة تحترم نفسها وتُحترم من الدنيا كلها، احترام الناس ليك لا يتحقق بالعافية ولكن يتحقق بالتخطيط».
وتابع: «عايز أقولكم هو إحنا مش من حقنا نحلم ولا إيه؟، هو عيب علينا يبقى عندنا 13 مدينة كده ولا إيه، خسارة فينا ولا إيه؟».
