قدم الفنان محمد منير تعازيه لأسر ضحايا حادث القطارين، مشيرا إلى أن السبب في ذلك الجهل، وغياب الضمير، مطالبًا بالدعاء والرحمة للضحايا.
وقال «منير» خلال حفله، بالساحل الشمالي، ببورتو جولف مارينا، أمس الأول: «أنا صحيت من النوم النهارده على خبر زعلكم جدًا، وهو وفاة 42 ضحية بسبب حادث القطار، أنا مش هقول إن ده مسلسل مستمر لكنه مستمر بسبب حاجة صغيرة اسمها الجهل، وعلشان مسلسل مايستمرش لازم نتعلم».
وأضاف: «أكيد في واحد النهارده المسؤول عن الحكاية دي راح يصلي وبعد ما صلى راح بيته مرجعش عمله مع إن عمله كان أهم من الصلاة، عمومًا ده مشيئة ربنا وقدره، وربنا يتولانا ويرحمهم جميعا».
وتابع، «سافرت كتير وقمت بالعلاج وهناك فارق كبير بينا وبين غيرنا، ويجب أن نتقدم وأننا نحاول، واللي عايز يبقى معانا أهلا وسهلا واللي مش عايز براحته بس احنا كده وهنفضل كده نحاول».
