الزيارات المفاجئة لرئيس مجلس الوزراء جميلة ورائعة وتدل على انه شخص عنده ضمير

بس بدون فايدة

فزيارته لقسم شرطة او مستشفي او سكة حديد شئ جميل

انما ده بيجي بعد اعادة تطوير وهيكلة للمؤسسة اللي انت بتزورها

يعني بمعني اصح

ايه اللي هيحصل جديد في الاقسام لما تنزل تزورها بدون تطوير حقيقي لوزارة الداخلية وهيكلة الاجور والمزايا لجنود وضباط الداخلية

يعنيالقسم يبقي شكله نضيف جوا وبره

الظابط والعسكري وصف الظابط ياخد مرتب كويس وياخد مزايا كويسة

أوفر له حماية واجهزة ومعدات تتناسب مع مهامه

أحدث نظام الداخلية بقاعدة معلومات بدل الدفاتر اللي شبه دفتر التموين والمحاضر اللي بتتقطع

أخلي السجون آدمية وأفصل المساجين الخطرين عن العاديين عشان نمنع البلاوي اللي بتحصل

وبعد كده ينزل سيادته يفحص نتائج الهيكلة

لكن مش حشتغل ناظر مدرسة

نفس الكلام ينطبق على السكة الحديد والمستشفيات

ميبقاش الدكتور بياخد 120 جنيه واقول هو مبيجيش ليه او بيزوغ ليه

هو من وجهة نظره بيشتغل على قد فلوس الحكومة