تداول رواد موقع التواصل الاجتماعي “فيس بوك” مقطع فيديو مصور لأم معتقل منذ 4 سنوات في أحداث العدوة بالمنيا منهارة من البكاء تطلب الإفراج عن ابنها مقابل تنظيف منزل القاضي.

تقول الأم :”خدوا ابني من 4 سنين، طلعوه وأنا أكسح علي رجلي وأكنس البلاط، انا بطلع اشقر على ولاده كل شوية” ، مرددة :” مظلوم، مظلوم”.

وأضافت:” عنده 4 أطفال، أصغر طفل عنده 4 سنين مشافش أبوه”، وعند سؤالها هل كانت تتوقع حكم القاضي لصالح ابنها،أجابت:” أنا بشتكي لربنا”.

وقصت لحظات القبض عليه قائلة:” راجل من شغله بياكل لقمة في بيته، دخلوا عليه وأخدوه، سألناهم في ايه يا باشا، واخدينه ليه يا باشا، ردوا واخدينه شوية وهيعاود “هيرجع””

وتبكي ثانية :” بقاله 4 سنين ومرجعش لسه، وأنا بشحت علشان أعرف أربي عياله، ومعندناش أرض ولا بيت”

مختتمة حديثها:” مستعينة بيك يارب، مستعينة بيك يارب”