هاجم سامح أبو عرايس مؤسس حركة “أبناء مبارك”، عبدالفتاح السيسي ونظامه، مشيرًا إلى أن عهده العديد من الأزمات السياسية مقارنةً بعهد الدكتور محمد مرسي.

وفي تدوينة عبر صفحته الشخصية على موقع التواصل الاجتماعي “فيس بوك” قال: “كلمتين عايز أقولهم في بداية السنة الجديدة علشان أريح ضميري.. بعد إقرار الحكومة للتنازل عن تيران وصنافير وإحالتها للبرلمان للتصديق عليها، كده يبقى كل اللي اتهمنا به مرسي وكنا خايفين إنه يعمله بيعمله حاليًا السيسي .. كنا خايفين ان مرسي يتنازل عن جزء من سيناء والنهاردة السيسي بيتنازل عن تيران وصنافير”.

وأضاف “كنا خايفين ان مرسي يغرق مصر بالديون وينفذ أجندة صندوق النقد الدولي بخفض العملة وإلغاء الدعم، والنهاردة السيسي نفذ كل ده وأغرق مصر بالقروض الخارجية ووصل الدولار لعشرين جنيه وبيلغي الدعم وعايز يبيع المستشفيات الحكومية كمان، وكل أجندة صندوق النقد الدولي بينفذها بالحرف”.

وقارن ” أبو عرايس” بين عمليات القمع في العهدين قائلًا: “كنا بنقول ان مرسي والاخوان هيقمعوا أي شخص يعارضهم ويعملوا فاشية باسم الدين ويبقى اللي بيعارضهم ضد الدين، والنهاردة السيسي ومؤيدينه حولوا البلد إلى فاشية باسم الوطنية، واللي يعارض السيسي يبقى ضد الجيش ويبقى خائن ويتشتم من الإعلام واللجان الاليكترونية وممكن يختفي قسريًا أو يعتقل أو يتصفى في الشارع”.

وتابع: “الحقيقة ان النظام الحالي بيعمل أبشع بكثير من اللي كنا خايفين إن الإخوان يعملوه .. علمًا بأن أغلب اللي هاجمنا مرسي علشانه كانت مخاوف وتوقعات يعني ماشفناش مرسي بيتنازل عن أرض فعليًا مثلاً، وماشفناش ذبح للمعارضين في الشوارع زي اللي حصل في رابعة والنهضة وغيرها وماشفناش اختفاء قسري”.

وفي نهاية منشوره قال: “علشان كده حاسس فعلاً إننا ظلمنا مرسي والاخوان .. إحنا آسفين يا مرسي!”.