علق الإعلامي تامر أمين، على قول عبدالفتاح السيسي، خلال افتتاحه مشروع الاستزراع السمكي، يوم الأربعاء، بمحافظة الإسماعيلية، من أن “المصريين اجتازوا الاختبار الصعب ونجحوا فيه نجاحًا باهرًا”؛ قائلًا “الحقيقة الرئيس على حق، بس أنا بقوله يا ريس والنبي كفاية اختبارات”.
أضاف أمين، خلال تقديمه برنامج “الحياة اليوم”، عبر فضائية “الحياة”، “المصريين اتقرص عليهم جامد الفترة اللي فاتت، من أسعار وأزمات ومعاناة، ومع ذلك قالوا بلدنا أهم، ونستحمل وأزمة وهتعدي، لكن لو الحكومة بتفكر في اختبار تاني الأيام الجاية فأنا بقوله لو سمحت يا ريس كفاية اختبارات، اخُتبرنا.. فنجحنا.. فعايزين نشِم نفسنا، لكن الاختبار الجاي هيخلص على كتير مننا”.
وخلال افتتاحه لمشروع الاستزراع السمكي بالإسماعيلية، قال السيسي: بسجل في كل فرصة تقديري واحترامي لنجاح الشعب بجدارة في هذا الاختبار، وماحدش كان متخيل أبدًا أن حد ممكن يستحمل ظروفنا الصعبة لأن الإجراءات الـ اتعملت صعبة وتأثيرها صعب قوي.
