قال الكاتب الصحفي المقرب من الأجهزة الأمنية إبراهيم عيسى: إن السياسة المصرية تعاني من اضطراب في الهوية، وإن هناك ازدواجًا وفصامًا في التصرفات المصرية لدرجة أننا نحللها على أنها اضطراب.
وأضاف عيسى، خلال برنامج “مع إبراهيم عيسى”، المذاع على قناة “القاهرة والناس”: “إنتم عايزين تقعدوا مع محمد حسان وياسر برهامي وتاخدوا بركاتهم ولا تعملوا دولة مدنية بجد؟ إنتم مش مفهومين”.
وتابع: “إحنا كدولة مش عارفين نحارب الإرهاب، لأننا فاكرين إن الدين لازم يخش في كل حاجة، إنتم مصدقين إن الدين لازم يتدخل في كل حاجة، عشان كده مش عارفين تحاربوا حاجة، عشان كده بتطلعولنا فتاوى عشان تغيير التوقيت الصيفي.. المضطرب في فكره يقدر يحارب الإرهابيين بس مايقدرش يحارب الإرهاب”.
واستكمل: “قعد صف لواءات قدامك هتلاقيهم بيقولوا في الدين نفس الكلام اللي بيقوله محمد حسان، وياسر برهامي، ولو دخلت شوية هتلاقيهم بيقول كلام محمد الظواهري”.
