تشهد محطات الوقود بمركز إبشواي بالفيوم أزمة بنزين طاحنة، أدت إلى تزاحم شديد واصطفاف المركبات في طوابير طويلة، ووصل سعراللتر في السوق السوداء إلى 5 جنيهات.
يقول عماد فرج، سائق : “أنا واقف أمام البنزينة من الساعة التاسعة علشان 5 لتر بنزين، والواحد مش عارف يشتغل لأنه كل ما البنزين يخلص من التوك توك أقف من خمس لسبع ساعات علشان أجيب بنزين”.
ويضيف حازم محمد، سائق: “الحكومة دلوقتي مش موفرة ليا وظيفة، فقلت أشتري توك توك اشتغل عليه بدل ما أكون عاطل وأسرق ولا اشتغل بلطجي، كل يوم الصبح أقف في طابور طويل جدًا عشان أحط بنزين للتوك توك وبفضل واقف بالساعات وده طبعًا بيعطلني عن الشغل، أنا كده مش هقدر أجيب مصاريف التوك توك.. هجيب مصاريف بيتي ازاي؟”
ويعلق الحاج جمعة عيد ، فلاح: “أنا راجل فلاح والحاجة الوحيدة اللي عندي هي حتة الأرض، وبزرعها والإنتاج بتاعها بناكل منه أنا وأولادي، وعندي مكنة ري اسقي بيها الزرع والمكنة بتشتغل بالبنزين، وعشان أجيب بنزين لازم أقف طول النهار على البنزينة، وفي الآخر يقولولي البنزين خلص”.
