علّق مقدم البرامج جابر القرموطي، مساء أمس الأحد، على الحكم بسجن 152 متظاهرًا ضد التنازل عن جزيرتي “تيران وصنافير” للسعودية، لمدد تتراوح بين سنتين إلى 5 سنوات وغرامات مالية تصل إلى 100 ألف جنيه مصري؛ قائلًا: “كلنا نتفق على أننا ما نقدرش نعلّق على أحكام القضاء، عشان نحافظ على مؤسسات الدولة، لكن ليه ما نرشدش فكرة التضييق على الناس بالطريقة دي؟ لدرجة إن كل ما واحد يقول بمّ نقبض عليه.. ليه؟”.

أضاف القرموطي، خلال تقديمه برنامج “مانشيت”، عبر فضائية “أون تي في”: “واحد مش عاجبه النظام الحالي، واحد كتب على الفيسبوك إن أداء الرئيس السيسي غير مُرضٍ، أنا ما أستبعدش إنه يُقبض عليه، على أي أساس دي بيحصل؟ معرفش، واحد كتب قتل وحرق وتدمير واغتيال يتقبض عليه، دي مش حرية رأي، لكن واحد بيقول وجهة نظره إيه المشكلة؟”.

وعن منع أسرتي الزميلين الصحفيين عمرو بدر ومحمود السقا من زياتهما بمحبسهما، قال: “إيه المانع من إنهم يزوروهم؟ فين المشكلة؟ هما متهمين وانت بتحاكمهم وقدام القضاء.. إيه المانع من أن أسرهم يزوروهم، ده حقهم.