قارن الدكتور خليل العناني، أستاذ العلوم السياسية والعلاقات الدولية في جامعة جونز هوبكنز الأميركية، بين حكم عبدالفتاح السيسي وعهد الدكتور محمد مرسي حينما كان رئيسًا للبلاد، من حيث ردود الأفعال، ووضع عدة تخيلات لبعض الأحداث التي شهدتها مصر في عهد السيسي وكأنها وقعت في عهد مرسي.
وقال العناني -في منشور له عبر “الفيس بوك”-: “تخيل، مجرد تخيل، لو أن اقتحام نقابة الصحفيين قد حدث في عهد مرسي؟ طب بلاش دي، تخيل، مجرد تخيل أن مرسي باع جزيرتين مصريتين واعتقل كل من يرفض ذلك؟ طب بلاش دي، تخيل، مجرد تخيل، أن مرسي اعتقل عشرات الصحفيين والنشطاء السياسيين واتهمهم بالتحريض على التظاهر؟”.
وتابع: “وكمان بلاش دي، تخيل، مجرد تخيل، إن مرسي وقع اتفاقية سد النهضة وإثيوبيا طلعت له لسانها وهددته زي ما بتعمل مع الجنرال القزعة؟ طب بلاش دي كمان، تخيل، مجرد تخيل، إن الدولار وصل 10 جنيهات في عهد مرسي، زي ما هو حاصل دلوقتي؟ طب بلاش دي، تخيل، مجرد تخيل، إن مرسي حصل على 50 مليار دولار مساعدات وسرقهم بدون ما حد يعرف عنهم حاجة كان إيه اللي ممكن يحصل؟”.
وأضاف: “تخيل، مجرد تخيل، إن مرسي لهف 60 مليار جنيه من مدخرات الشعب وحطهم في تفريعة لقناة السويس بتخسر ملايين الدولارات كل شهر؟ طب بلاش اللي فات كله، وتخيل، مجرد تخيل، إن أمين شرطة مش عاجبه شكلك ضربك برصاصة قتلتك، أو قتل حد من قرايبك كان هيكون إيه الوضع؟”
