سادت حالة من الغضب الشديد بين أهالي مدينة المطرية وضواحيها، وعلى وجه الخصوص قرية العصافرة التابعة للمدينة بمحافظة الدقهلية، وذلك بعد عودة أزمة الغاز من جديد؛ حيث يقف المواطنون في الطوابير لساعات طويلة من أجل الحصول على أسطوانة الغاز.
وخلال جولة لـ”رصد”، عبر المواطنون عن استيائهم، فقال ح.م: “حرام اللي بيعملوه فينا ده، ناس فاشلة من أول واحد لآخر واحد، إحنا تعبنا وقرفنا والله العظيم، صرف صحي وكهرباء ومياه سعرها غالي وفي الآخر منلاقيش أسطوانة الغاز، ارحلو بقى يا فشلة”.”.
وتابع ف.س : “احنا قعدنا بالظبط شهر ونص من غير الأزمة دي، والمسؤولين وعدونا إنها اتحلت خلاص، نيجي نغير الأسطوانة منلاقيهاش، طب نعيش ازاي الوقتي، وتلاقيها في السوق السودة بـ100 جنيه وانت طالع، أجيب 100 جنيه في إسطوانة منين حسبي الله ونعم الوكيل”.
وأضاف ي.م :” احنا مش فالحين إلا نبيع أراضي ملكنا، أو نسجن أي واحد مش عاجبه الوضع، أو نطلع نقول خطابات مبتحصلش، إنما نساعد المواطنين ونوفرلهم حاجاتهم الأساسية لا، هما مش فاضيين لده هما أهم حاجة ينهبوا فلوس البلد وخلاص ربنا ياخدهم “.
واختتمت ي.س :”شكلنا هنرجع لوسائل الطبخ البدائية عشان شوية حرامية بوظوا البلد، ومش هيسيبوها إلا لما يخربوها من كله، حرام لما الناس تقف في الطوابير عشر ساعات في الشمس وفي الآخر منخدش حاجة، إحنا مصريين وأقسم بالله ده لو يهود مش هيعملوا فينا كدا “.
