قالت إحدى ناشطات موقع التواصل الاجتماعي “فيس بوك”، إن مدير أمن مول العرب بمدينة السادس من أكتوبر، أصدر قرارا بمنع دخول السيدات اللاتي يرتدين العبايات، وأن ذلك القرار جاء بناء على قرار المالك السعودي للمول.
وأوضحت سارة النجار عبر صفحتها الشخصية: “النهارده رحت مول العرب وأنا داخلة سبينس أشتري حاجة، فرد الأمن وقّفني على البوابة أنا وجوزي وقالي ممنوع دخول العبايات”.
وأشارت: “وأنا خارجة عديت على بوابة تانية سألت هل فعلا فيه قرار يمنع دخول العبايات، البنت قالت لي أيوه قرار لسه نازل، قلت لها: وده هيتنفذ إزاي؟ قالت لي: اللي لابسة عباية مش هتدخل، واللي منقبة هشوف بطاقتها، وهترفع النقاب أشوفها”.
وأضافت أنها قامت بسؤال المشرف على المول فردّ قائلا: “إحنا مانقدرش نعمل حاجة، ده قرار من السعودي ذات نفسه صاحب المول”.
