شهدت الجلسة التي انعقدت بمجلس النواب، أمس الأحد، خلال إلقاء شريف إسماعيل، رئيس الوزراء، لبرنامج الحكومة، انشغال عدد من الأعضاء بالأحاديث الجانبية والكلام في الهاتف ومغادرة البعض للجلسة.

استنكر الإعلامي عمرو أديب، قرار عدم إذاعة بيان الحكومة، أمام مجلس النواب، قائلًا: “البيان اللي مصر كلها مستنياه قرروا إنه مش هيتذاع، مستقبل مصر اللي هيتقال مش هيتذاع على الهواء وبيقولوا هيتذاع مسجل، إحنا للدرجة دي شعب تافه أوي كده؟ بقى إحنا شعب مانستحقش إن المسؤولين يكلمونا على الهواء؟”.

وأضاف “أديب”، خلال تقديمه برنامج “القاهرة اليوم”، عبر قناة “اليوم”، “طبعًا إنتوا عارفين ليه مش هيتذاع على الهواء؛ لأنه وارد جدًا أثناء بيان رئيس الوزراء إنهم يتخانقوا ويزعقوا، وعلى فكرة هو مش في اللائحة إن حد يقاطع حديث رئيس الوزراء، لكن طبعًا في نواب هيعملوا كده.. إنتوا عايزين تعملوا تجربة ديمقراطية ولا نبقى كوريا الشمالية؟ يقولك لا نمنتجّه برضه لا يكون فيه حاجة ولا بتاع، وكأنهم ناويين يتخانقوا أو يضربوا بعض”.