تعاني مدينة المطرية بمحافظة الدقهلية من انتشار القمامة بجميع أنحاء المدينة خاصة الشوارع الرئيسية، والتي تؤدي إلى العديد من الأمراض الخطيرة، بالإضافة إلى الرائحة الكريهة التي تنبعث منها، ما أدى إلى جعل المواطنين يتقدمون بشكاوى عديدة لمجلس المدينة ولكن دون جدوى.
يقول م.ح: “أنا ساكن بشارع سعد زغلول وللأسف الشارع يغرق بالقمامة ومفيش حد بيعبرنا، تقدمت بشكاوى للمجلس ولكن مفيش فايدة”.
وأضاف ح.ك: “المجلس ده في الطراوة مبيعملش حاجة للمواطنين خالص أبسط حاجة القمامة مبتتشلش وحتى صناديق القمامة قليلة جدا! للأسف اتعودنا على كده “.
وأشار س.ع: “أنا مبعرفش افتح شبابيك البيت من الرائحة الكريهة والحشرات اللي بتدخل البيت، ومفيش صناديق قمامة، المفروض المجلس يحس بينا ويشيل القمامة دي ويجيب صناديق ويبقي فيه رقابة على اللي يرمي بره الصندوق، تعبنا وجبنا آخرنا والله”.
واختتم ع.م: “إحنا مش فالحين إلا كل شهرين نعمل تعديل على الحكومة ولا اللي مشيوا شغالين ولا اللي هييجوا شغالين، البلد مليانة مشاكل ومحدش عاوز يشتغل أو يريح الناس حسبي الله ونعم الوكيل”.
.png)
.jpg)
