وقال موسى خلال برنامجه “على مسؤوليتي” على فضائية “صدى البلد”: “الشرقية بها عدد كبير من الإخوان الذين شاركوا فى اعتصام رابعة العدوية، وممن ينتمون إلى فكر ومنهج الإمام سيد قطب”، مطالبًا بفحص منازل الشرقية.

وعبر أهالي محافظة الشرقية عن غضبهم من تصريحات الإعلامي أحمد موسى، ووصفوها بالجنون، إذ يقول عماد خيري: “أحمد موسى مجنون وبيتكلم وخلاص، طيب خليه يطلع يقول إن الشرقية فيها 11 قرية بيتاجروا في السلاح والمخدرات وعاملين رعب للناس، ليه مايقولش للأمن يفتشوهم لأنهم مابيقدروش يخشوها، والناس كلها عارفة بكده في المحافظة، رغم تكرار حوادث السطو المسلح وسرقة السيارات”.

وأضاف إسلام إبراهيم: “الشرقية معظمها فلاحين، والفلاح فيهم يفهم في الأصول أحسن من أحمد موسى، ومين اللي طلعه على التليفزيون يعمل فتنة بين الناس، عايز الجيران والأصدقاء يبلغوا عن بعض ونبقى عايشين في غابة، طيب ما يشوفوا البلطجية والانفلات الأمني اللي بقينا فيه”.