سادت حالة من الغضب بين أهالي المحافظات المختلفة داخل الموقف الجديد بمحافظة الإسكندرية بسبب الازدحام الشديد من الركاب وعدم وجود سيارات لنقلهم لأماكن سفرهم، إذ يمتنع السائقون عن الخروج من الموقف وتوصيل الركاب دون أسباب واضحة.
وأكد عدد من المواطنين أنه بالرغم من أن الموقف مليء بالسيارات فإن السائقين يتعاملون بأسلوب غير لائق وغير مفهوم مع المواطنين، ويرفضون الخروج من الموقف بدعوى أنهم منهكون ومرهقون، في محاولة منهم للضعط على المواطنين ومضاعفة الأجرة.
ورصدت كاميرا “رصد” تزاحم المواطنين وغضبهم، إذ قال علاء رجب: “إحنا بقالنا 3 ساعات واقفين ومش لاقيين مواصلات والدنيا زحمة والسواقين مش راضيين يحملوا وعايزين ضعف الأجرة مرتين الله ينتقم منهم”.
وأشار رمضان النجار: “إحنا كل يوم على الحال ده، زحمة وقرف ومافيش عربيات والحكومة لا تحرك ساكنا، والكرسي اللي بياخد 3 ركاب بيحملوا أربعة وخمسة، ويقولوا لنا اللي مش عاجبه ينزل، ويزودوا الأجرة”.
وأضافت منار علي: “أنا طالبة في الجامعة خلصت محاضرات الساعة 12 الظهر، وإحنا دلوقتي داخلين على المغرب، بقالي أكتر من 4 ساعات مش عارفة أركب، ده يرضي مين!”.
يذكر أن الموقف الجديد موقف حافلات ومشاريع وسيارات التاكسي تم إنشاؤه حديثا وهو نقطة الانطلاق والوصول الرئيسية للمسافرين من وإلى محافظة الإسكندرية.
