وسط حالة من الغضب العام بين الأهالي انعدمت السلع التموينية بمخازن تموين مركز الدلنجات التابع لمحافظة البحيرة.
وحسب العديد من الأهالي فإن مخازن التموين باتت خالية من السلع الأساسية كـ”الزيت والسكر” فضلا عن غياب بعض السلع الأخرى.
وفي تصريحات لشبكة “رصد” عبر العديد من أهالي مركز الدلنجات عن غضبهم من أزمة السلع التموينية، إذ أكد العديد منهم أنهم يعتمدون على السلع التموينية بشكل أساسي في الميزانية الشهرية.
وقالت أم أحمد، إحدى المواطنات: “الزيت والسكر مش لاقينهم كمان شوية مش هنلاقي ناكل، حسبنا الله ونعم الوكيل في السيسي وحكومته”.
وعلق سعيد عمرو، أحد أهالي مركز الدلنجات قائلا: “البلد دي بقت ملك للي حاكمنها ولرجال الأعمال اللي فيها ومافيش حد حاسس بالغلابة وإحنا ضحية الفساد والسرقة والنهب وتدهور الاقتصاد، واللي ماسكين البلد مش حاسين بالفقرا والغلابة اللي بيكون يومهم عيد لما يتسلموا حصتهم في السلع التموينية”.
واختتم محمد مصطفى قائلا: “أنا بقالي يومين بروح المخازن عشان أستلم السلع التموينية مش بلاقي سلع ودلوقتي زجاجة الزيت بـ10 جنيهات وكيلوا السكر بـ5 جنيهات، طب أعمل إيه؟ أشحت!”.
وبسؤال بعض أصحاب المخازن الفرعية عن انعدام السلع التموينية قالوا إنهم ذهبوا لاستلام السلع من المخازن الرئيسية فوجدوها خالية من السلع خاصة “الزيت والسكر”.
وأرجع البعض نقص تلك المواد إلى تدهور الوضع الاقتصادي وأزمة الدولار الطاحنة.
