نشر الإعلامي الساخر باسم يوسف صورا له وهو يرتدي اللباس العسكري الأميركي، قائلة إنه يسخر من خلالها بالسياسة الأميركية، معربا عن دهشته أن يتهمه البعض بالولاء لأميركا.

وقال “يوسف” في منشور له على صفحته بموقع “فيس بوك”: “إن الصورة لبرنامج تم الإعلان عنه أكثر من مرة، وأنه تم التقاطها في معرض أسلحة، مضيفا: “وده شيء عادي هنا، وأنا باتريق على جنون امتلاك السلاح هنا والتعديل التاني من الدستور الأميركي”.

وأضاف: “حطيت الصور على انستجرام وعلى تويتر وبقول إني بصور برنامج، مع ذلك فيه ناس عبيطة بتقول إني بأعلن الولاء لأميركا ولابس لَبْس الجيش بتاعهم عشان كده، انتم هبل؟ ما اعتقدش؟ انتم بتستعبطوا وعارفين أنكم بتستعبطوا. وآدي الصور تاني، ياللا زيطوا”.

وتباينت ردود أفعال رواد موقع “فيس بوك” على ما نشره  باسم يوسف، حيث اتهمه البعض بالعمالة الأميركية، واعتبر البعض الآخر أنه ينتقد الجيش المصري، بينما أيده آخرون وكان من بين التعليقات؛

Reham Hagag : يعني انت في بلد مش بلدك وبتتريق على حاجة معينة مش عجباك وسابوك كده عادي من غير ما أمين شرطة يضربك بالنار .. حكام مستهترين

Ahmed Samir: احنا ظالمينك صحيح ..وأخبار الجامعة في أميركا اللي اتعينت فيها انت ووائل غنيم في يوم واحد؟ وأخبار هجومك على جيش مصر في السي إن ن ايه؟؟واخبار الشرط الجزائي من إم بس سي لما سبت مصر ايه؟؟ وهيطلع واحد تافه يقول خمسة مليون يا باسم ويتريق..ومتصور بلبس جيش امريكا وبتشتم جيش بلدك …وكلامي ده متصور وبوتيوب ومن صفحتك مش أي هري بس المطبلاتية بتوعك خرفان مش بيفكروا ولو دقيقة ولا بيدورا على الحقيقة 

شاهد على العصر: يا باسم كنت عامل أسد أيام مرسي ودلوقتى مش قادر تعمل فيديو بسيط على النت وتعلق على مايحدث الآن فى مصر، ولا الدولار لما كان بيتحرش بالجنيه يا ترى لما بقى الدولار بأكتر من 9 جنيه ياترى ده يبقى تحرش ولا !!!!!!!! يلى ياحمش ورينا

Mariam Eskandar : طب ما الجيش تسليحه أميركي من عشرات السنين، والسيسى نفسه كان زعلان جدا علشان مبعتوش طائرات الأباتشي .. وبيقول للإعلام الأجنبى إن العلاقات المصرية الأميركية وثيقة جدا

وحيد حميدة: هههههههههههههه دايما عندك الرد جاهز وبنفس الوقت ما أميركا بلد الحريات تنقتد برا أو جوا، مش حتفرق بس اللي يفرق إنه باسم يوسف اللي بقدمه، وكمان ده في معرض أسلحة مش في مجلة بلاي بوي فعلا ناس عبيطة أوي ههه

Adham Sabry :انت من غير ما تلبس اللبس ده وبيقولو عميل لأميريكا واسرائيل، مش بعيد بعد الصور دي يقولوا إن أميريكا بتشتغل لحسابك

Hassan Abdo هههههههههههههه ده لإن انت في مصر كنت شغال بأجندة محطوطة ليك عشان تشغل علي ناس بعينة انت مش حببهم، ولما حبيت تبقي بطل وتخرج برهة النص عشان متفقدش مصدقيتك خدت على قفاك واترميت برة وبنت على حقيقتك إنك مجرد أراجوز وإن المبادئ مش موجودة في حسابك

Remon Metry: باسم ارجوك لا تنساق وراء تلك التفاهات واجعل تركيزك في المصائب المتوالية في مصر، وحاول أن ترجع بصمتك الفكاهيه واجعلنا معك نضع أيدينا على حلول لكل تلك المهازل

Ahmed Kareem : باسم يوسف يعلن انضمامه لمرتزقة الجييش الأميركي ويعلن أنه سيشارك قوات العلوج عملياتها ضد إخواننا في سوريا والعراق وليبيا والشيشان كمان