شهد اليوم الأحد مركز قطور بمحافظة الغربية حملة إزالة مرافق موسعة، تضم عددا من سيارات الأمن المركزي ومدرعات وعددا من الجرافات وأعدادا كبيرة من رجال الشرطة والمباحث، وقاموا بإزالة عدد من وجهات المحلات التجارية والتعدي على الباعة الجائلين بميدان سوق المحطة.
يقول سعيد .ع: “قال أنا صاحب محل أحذية بميدان المحطة ومعي ترخيص تاندة ووريته للضابط، وقال مليش دعوة بالكلام ده أنا بنفذ تعليمات، واللي مش هيسمع الكلام هينضرب بالجزمة على دماغه ودماغ اللي جابوه”.
وتضيف تيسير .م: “أنا أرملة بجري على 4 أولاد بجيب شويه فاكهة اتاجر فيهم، جه البيه أمين الشرطة قلب كل حاجة على الأرض ولا رحمة ولا شفقه نروح فين؟! قالوا بلاش نفرش الطريق ودلونا على السويقة قلنا ماشي مفيش فايدة، دخلوا ورانا السوق وتلكيك المهم عايزين فلوس، يا ناس حرام.. حسبنا الله ونعم الوكيل”.
ويضيف هيثم. ش: “أنا شاب فاتح محل عطارة، كل يوم والتاني حملات إما مرافق أو من شرطة الطرق، والله زهقنا من العيشة والنهارده جه اللودر شال كل الإسفلت والسيراميك من قدام المحل أصلا الحالة زفت لا بيع وشراء، وحبيت أكلم الباشا علطول قال يا روح أمك هي الدولة سايبة ولا إيه”.
