وجه الإعلامي باسم يوسف حديثا ساخرا لعبدالفتاح السيسي؛ حيث سأله عن المسؤول عما يحدث في البلاد من تجاوزات الشرطة والأحكام الظالمة والاعتقالات للشباب، وتدهور الاقتصاد، معتبرا إياه مسؤولا عما يحدث أو أنه بلا قيمة؛ لذا لا يستطيع السيطرة على مجريات الأمور في مصر.

وقال “يوسف” في منشور له على “فيس بوك”: “سيادة الرئيس طبيب الفلاسفة عبفتاح السيسي: أصل حاجة من الاتنين : يا إما انت مسؤول مسؤولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده إنها غبية لناس بتطلع تهفلط واسمهم لواءات، لسياحة بايظة مرة عشان طيارة بتقع ومرة عشان سلاح طيرانك بيطلع يضرب سياح في الصحرا للبوليس بتاعك بيقبض ويعذب ويقتل أجانب زي ما بيعذب المصريين في الأقسام، لجهاز إعلامي موجه وقذر لخمسين حاجة تانية بتعبر عن الفشل والغباء والغشومية” .

وأضاف: “المهم يا سيادة الرئيس نرجع لموضوعنا: يا إما انت مسؤول عن كل ده مسؤولية كاملة يبقى انت كده صاحبي وحبيبي وكفاءة وعرفنا المسؤول مين، يا إما انت مش مسؤول خالص وانت زيك زينا بتتفرج ومش فاهم حاجة ومالكش لازمة زينا بالظبط وفي الحالة دي أهلًا بيك في صفوف الجماهير. تعالى بقى، ما تيجي، مش تبقى تيجي؟”.