سخر رواد مواقع التواصل الاجتماعي، من انخفاض قيمة الجنيه أمام الدولار، خاصة بعد تجاوز سعر الدولار 9 جنيهات مصرية، ودشن الكثير من الصفحات على الـ”فيس بوك” “كوميكسات” للسخرية من النظام الذي أوصل الاقتصاد لهذه المرحلة.
وجاءت بعض التعليقات:
– أسماء أحمد: “بيقولك فيه طالب منوفي اخترع جنيه أعلى من الدولار والحكومة اتبنت الفكرة”.
– سارة مجدي: “مستنية جملة انخفاض الجنيه أمام الدولار في مصلحة المواطن محدودي الدخل”.. لما تتقال عرفوني عشان اتشل رسمي”.
– علي حسين: “كده الواحد يروح السوبر ماركت يقول هات باكو لبان من ابو عشرة جنيه”.
– محمود رجائي: “الجيش ينزل دولار عسكري لإن البلد محتاجة ف الوقت ده بالذات دولار ذات خلفية عسكرية”.
.jpg)
– شريف محمود: “فاكر الدولار لما وصل ٦.٥٨ من سنتين بضبط الدنيا خربت وتعمل حفلات عليهم حتى باسم عمل حلقة الدولار يتحرش بالجنيه النهارده الدولار وصل ٩ وكلوا عامل عبيط وأحنا بنلبس في الحيط”.
.png)
– حازم إمام: “الجنيه لو بيتكلم كان زمانه بيغني اه لو لعبت يا زهر، واتبدلت الاحوال وبقيت انا الدولار”.
– حسين الشريف: “انا فاكر في يوم أيام مرسي الدولار وصل 6.58.. طلعت لميس الحديدي تردح وقالت ياااامرسي لو مش أد الشيله متشلش”.
– إبراهيم صبري: “الدولار لم يقفز.. بالعكس الدولار عالميا هابط.. الجنيه هو اللي ضارب غطس ونسي انبوبة الأكسجين فوق”.
– عمر حسن: “ماهو طول عمره قافز وطول عمر الجنيه متهان واحنا معاه من ساعه ابن الجنياني ممسك البلد”.
– شيرين محمود: “بيقولك عربيات الخدمة الوطنية واقفة في الميادين بتبيع الدولار بـ6 جنيه صابح وبيلعب في الطشت”.
.png)
.jpg)
– أيمن محمد: “وربنا احنا شعب ظالم الدولار زاد وايه يعني احنا مالنا وماله المهم “الجونيه” بتاعنا بيجيب 20 رغيف من اللي فيه مسامير”.
-شادي أشرف: “مش مهم يعلا الدولار مش مهم الناس متاكلش مش مهم… المهم نبقه كده… كده… كلمات مأثوره لل..”.
وعلقت صفحة “أساحبي” على الـ”فيس بوك”:
– الدولار وصل كام يا احمد؟
– 9 جنيه يا فندم، وهنعمل ايه؟
– مش عارف يا فندم.
-همممم الغي الجنيه يا احمد
– ازاي يا فندم؟
– اطبع العملة الرسمية للبلد ورقة تبدأ من 9 جنيه وبكده المشكلة اتحلت
– عبقري يا فندم.
– مش لازم اتدخل واحل كل حاجة بنفسي في البلد يا احمد
– آخر مرة يا فندم.
.png)
