سخر رواد مواقع التواصل الاجتماعي، من تصريح اللواء عادل ترك، رئيس هيئة الطرق والكباري، التي قال فيها إنه كلما ازداد سوء حالة الطريق قل عدد الحوادث؛ لأن الطرق المكسرة تجبر السائق على أن يخفض سرعته ومن ثم تقل نسبة الحوادث.

وأضاف، في تصريح لـ”اليوم السابع”، أن 5% فقط من حوادث الطرق سببها حالة الطريق، مضيفًا أن حوادث الطرق في مصر سببها عدم انضباط السائقين وعدم التزامهم بتعليمات المرور، أو بسبب الشبورة المائية.

وتداول رواد مواقع التواصل الاجتماعي، تصريحات رئيس هيئة الطرق والكباري، بعدد من التعليقات الساخرة، كان من بينها:

Adel Nawar- : “ما شاء اللّه على العبقرية والرؤية الثاقبة، لوفيه منك اثنين كمان كان زمنا عايشين في خرابات”.

– مصطفى عبدالنعيم الكريمي: “وأنا اللي كنت فاكر إن الناس هي اللي بتبوظ في الطرق أتابيها الحكومة عشان تحافظ على حياتنا، استغفر الله العظيم، صحيح يا ولاد إن بعض الظن إثم”.

C Mohamed Nagi-: “والله اللي حطك في المنصب ده ظلمك وانت هتشيل هم ليه طول ما بتمشي بحراسة والطرق بتفضى ليك والناس اللي بتفكر زيك هي اللي بتكرهنا في البلد وبتخلينا عايزين نسافر ياريت حد يوصلو الكلمتين دول”.

– محمد عباس يوسف: “إيه المفهومية والفكاكة دى، على كده انتشار الأمراض تؤدى إلى موت الناس فيقلل من نسبة الزيادة السكانية (الانفجار السكانى)، وعلى هذا الأساس نقيس باقي الأمور وهنلاقي حل لكل مشاكلنا بسهولة ههههه”.

Hatem Aboelnasr-: “مليارات الدولارات تنفق من خزانة الدولة على استيراد قطع السيارات التالفة بفعل تلك الطرق المكسرة، في حاجة اسمها التكاليف والخسائر الغير مباشرة والتي قد تفوق الخسائر المباشرة بعدة أضعاف، كما أن هناك كسور في الطرق تفاجىء السائق وتسبب في حوادث مميتة بسبب توقفه المفاجئ”.

Cheaf Abo Ahmed-: “هههههههههه هههههههههه انت فاشل وكلامك ده لو في دولة محترمة يدخلك السجن،ولكن مرحبا بك في دولة الفنكوووووش والحرفوووووش”.

Reda Ghonaim-: “ياسلام وحتفضل الطرق مكسرة علشان نقلل السرعة روح يا شيخ ربنا يكسر دماغك الخربانة”.

– فهد مقاوي: “عقليات جديرة بالاحترام وعشان كده بنجمعهم وبنمسكهم المناصب المهمة.. لكي الله يا مصر”.