قال علاء عبدالفتاح، إن هناك موجة فاشية تجتاح المنطقة العربية، مرجعًا السبب في ذلك إلى شعارات القومية التي ترفعها الحكومات، مشيرًا إلى أنه بحاجة إلى السفر في مكان خال من الصراعات، كما تحدث عن مستقبله الشخصى، ورأيه فيما يدور بالمنطقة العربية، وكيفية الاحتفال بذكرى ثورة 25 يناير في زنزانته.

و في حوار لـ”المصرى اليوم”، من محبسه بسجن المزرعة في طرة، أضاف علاء،”دلوقتى مدرك إن حبستى ليها قيمة مختلفة بعد مذبحة رابعة، كان مهم جدًا إن ناس من اللى ضد الإخوان ومن خارج التيارات الإسلامية ترفض المذبحة، وتعادى السلطة اللى ارتكبتها، وتقول بوضوح وصراحة إنها سلطة مجرمة.

وحول محبسه قال علاء: “الحاجة المختلفة جدًا في الحبسة دى، إن أول مرة يبقى عندى إحساس حقيقى بالندم، ندم إنه في 2013 لما اترفع اسمى من على قرار المنع من السفر، تقريبًا كان في شهر يوليو، لم أسافر للخارج”.

وأشار إلى أنه  في مرحلة مراجعة، وهذا لا يعود فقط لكل ما يحدث في مصر، لكن لما يدور في المنطقة والعالم كله، وخاصة دول الجنوب،  موضحا أن هناك موجة تجتاح أكثر من دولة من التي كانت مصدر أمل مثل جنوب أفريقيا والبرازيل، وهناك موجة فاشية تجتاح منطقتنا، على حد قوله.

واختتم:”أنا كنت مدرك من زمان إن شعارات القومية العربية لما بترفعها الحكومات العربية بتكون تعبير عن الفاشية، لكن كنت متصور إن المشاعر القومية عند الشعوب شىء مختلف قائم على مشترك ثقافى، وعلى الشعور الواسع بالتضامن مع القضية الفلسطينية، وجزء كبير من شغلى المهنى في البرمجيات كان مرتبط بده، النهارده بشوف إزاى إن المشاعر القومية عند الشعوب بتتحول إلى أساس للفاشية، لما أخرج- اللى هو مش قريب خالص- عايز أسافر بره، بعيد عن منطقتنا ودول الجنوب وأى مكان ممكن انشغل فيه بصراعات قائمة، لأنى محتاج فترة مراجعة كاملة أفهم منها أنا عايز أعمل إيه في حياتى وشغلى”.