شهدت نقابة المحامين اليوم حالة من التكدس داخل جدران النقابة لأداء حلف اليمين للمحامين الجدد واستخراج الكارنيهات.
يأتي ذلك بسبب قرار مجلس إدارة النقابة برئاسة سامح عاشور نقيب المحامين بجعل حلف اليمين يوما واحدا فقط في كل شهر، مما أدى إلى الازدحام الشديد وغضب المحامين.
يقول عبدالرحمن أحمد: “اللي بيحصل ده مهزلة إزاي النقابة تستوعب العدد الكثير من المحامين في يوم واحد”، مضيفا “إزاي المحامين تنتظر أكثر من 8 ساعات عشان يؤدوا حلف اليمين ويحصلوا على كارنيه العضوية”.
وتعلق سمر محمود: “هما قاصدين يوقفونا طول اليوم عشان يذلونا”، وأضاف تامر بدوي: “طول ما سامح عاشور نقيب للمحامين هنفضل حقوقنا ضايعة وهيفضل المحامي يتهان من أي حد عشان أبسط الأمور ويتهان في نقابته”.
وطرحت همس السيد حلا لهذه الأزمة “المفروض مجلس الإدارة يراجع نفسه في القرار ده ويجعل حلف اليمين يوما في الأسبوع على الأقل ليخفف التكدس”.
وفي تصريح خاص لـ”رصد” من عضو مجلس إدارة النقابة -رفض ذكر اسمه: “إحنا لم نتوقع وجود هذه الأعداد بهذا الشكل وبنعتذر لجميع المحامين على اليوم الشاق ده”.
