سادت حالة من الغضب الشعبي بين المواطنين اليوم الثلاثاء بسبب الازدحام الشديد بين المواطنين والتكدس أمام محطة القطار، وصعوبة الوصول إلى المدارس والجامعات، كما اكتظت القطارات بأعداد هائلة من الركاب نظرا لتوقف سيارات السرفيس وإضراب أصحابها عن العمل لليوم الرابع على التوالي.

يذكر أن سائقي سيارات الأجرة بخط “تلا – شبين الكوم” و”طنطا – القاهرة”، قاموا بعمل إضراب كامل عن العمل بسبب سوء معاملتهم من قبل ضباط المرور وبسبب الغرامات والمخالفات التي لا يستطيعون سدادها، مطالبين الحكومة بالاستجابة لمطالبهم وتحسين أوضاعهم ورفع المخالفات عنهم.

وبسؤال الأهالي قالت جهاد رضا، طالبة: “عندي امتحانات ومعرفتش أروح الكلية بسبب الإضراب والحكومة سايبة السواقين يتحكموا فينا ويعطلوا مصالح الناس ولا حد بيسأل”.

كما أضاف سيد الكبير: “السواقين بيعملوا ده كله علشان يزدوا علينا الأجرة ونضطر نوافق علشان حياتنا اللي وقفت والحكومة بعد ما قالت هتطلع أتوبيسات لنقل الناس ماشوفناش أي حاجة ومحطة القطار متكدسة بالناس فوق بعضها وحالنا وقف”.

وقال رأفت طلعت، سائق سيارة أجرة: “إحنا سمحنا للتوك توك بالشغل ونقل الناس علشان بس المرضى والطلاب وبياخد 5 جنيه للنفر وإحنا مش هنفك الإضراب إلا بعد ما يحققوا مطالبنا ويشيلوا عننا الغرامات اللي خربت بيوتنا”.