سخر رواد موقع التواصل الاجتماعي “فيس بوك”، من التصريحات التي أطلقها المتحدث باسم الجيش المصري، العميد أركان حرب محمد سمير، أن “تنظيم “داعش” لن يستطيع دخول مصر ولو حصل هنبعتهم للصعايدة ورجالة المطرية والمرج يعملوا منهم فوانيس”.
جاء ذلك خلال الندوة التي عقدها العميد محمد سمير، اليوم، بقطاع الأمن المركزي بمنطقة الدراسة بالقاهرة.
وحذف موقع “اليوم السابع” تصريحات المتحدث العسكري حول “الصعايدة”، مكتفيًا بتصريحه أن “داعش” لن يستطيع دخول مصر، بينما ترك الخبر كما هو على صفحة الموقع بـ”فيس بوك”، ومحرك البحث “جوجل”.
وجاءت تعليقات رواد “فيس بوك” كالتالي:
حيث قال حسام حبيب: “ليه هوا الجيش مش بياخدوا على قلبهم أد كدا خلي رجالة الجيش بقى يعملوا بفلوسهم؟”.
بينما سخر باسم باتروس: “أنا صعيدي وبقولك الوضع اتغير، الصعايدة لو شافوكوا انتوا هيعملوا منكوا دلاليب”.
وقال هاني الكفراوي: “ده مش كلام متحدث عسكري.. ده هري الست ستوتة اللتاتة وهي بتشب شاي على المصطبة بعد العصر”.
بينما علق إيهاب سليمان، على التصريحات قائلًا: “بس هو فعلًا عنده حق مهو جيش كامب ديفيد مهواش بتاع حروب ده بتاع مكرونة. وكحك وبسكوت يعني جيش رجال أعمال والعساكر عبيد عندهم في الوسية”.
وسأل “أنس الدالي” المتحدث العسكري: “طب بما إنكم عارفين إن الصعايدة قوة ويعتمد عليهم في وقت الشدة ناسينهم ليه ومفيش أي تطوير أو مشروعات ليهم وبتهمشوهم دايما في كل حاجة؟”.
وتساءل حساب على “فيس بوك”: “أومال انتوا بتاخدوا فلوس ليه يا ولاد الو*خة، مع إن ده اعتراف ضمني منك يا اهبل يابن الهبلة إن الصعايدة أرجل منكم”، على حد وصفه.
وقال “وائل محمد”، موجهًا حديثه للمتحدث: “السؤال الأول: أمال مين اللي في سينا ولسه امبارح مفجر ٤ (مجندين)، السؤال التاني: لما هتبعتولهم الصعايدة.. انتوا جاين تشتغلوا إيه”.
واستاء “صلاح سالم” من التصريحات: “احنا كصعايدة مش عاوزين نعمل فوانيس ولا حتى بلالين.. وبعدين انت عيب ف حق الجيش لما تقول كدة المفروض تقول الجيش لهم بالمرصاد!! مش الصعايدة هو انت فاكرنا بقر وجاموس ومبنفهمش زي م بتسمع فالنكت السخيفه علينا!! الحمد لله احنا كصعايدة الأصل الاحترام”.
وسخر “يحيى أحمد”: “ده على أساس إن بقالكم سنتين بتقتلوا في ولد أم لطفي اللي بتنور وتطفي”.
وقال “محمد محروس”: “تحس انوا واحدة وقاعدة على المصطبة.. اتعديتو من زيزي الله يحرقكم”.
بينما ذكر “أحمد علي”: “ما تفتكروش الصعايدة غير في المصايب بس، طول عمر الصعيد عايش في فقر ومرض وجهل ولا حد معبرنا ولا حد سأل فينا جايين دلوقت تقولوا داعش أبوكم لأبو داعش”.
