أعلن عدد من سائقي السيارات الأجرة، بموقف “ترسا” بمحافظة الفيوم إضرابهم عن العمل، اليوم الإثنين؛ وذلك بسبب قرار مجلس المدينة بضم موقف سيارات النقل إلى مكان موقف سيارات الأجرة، مطالبين بتحويل سيارات النقل إلى مكان آخر.
وصرح السائقون بأن أصحاب سيارات النقل قاموا بالاستيلاء على المكان المخصص للموقف بقرار من مجلس مدينة سنورس، ولذلك قاموا بالإضراب عن العمل حتى تحقيق مطالبهم.
“رصد” استطلعت آراء العديد من السائقين للوقوف على المشكلة، يقول سعد إبراهيم: “سيادة البيه رئيس مجلس المدينة قاعد في مكتبه واحنا طالع عنينا هنا، وكمان مش سايبنا في حالنا، وأصدر قرار ان العربيات النقل تأخذ مكاننا واحنا كده ملناش مكان نقف فيه”.
وأضاف محمد جبالي، أحد سائقي العربيات النقل “احنا مش واقفين هنا بمزاجنا، رئيس مجلس المدينة هو اللي صرح لنا بالمكان ده، واللي مش عاجبه يروح يشتكينا مركز الشرطة جنبنا اهو ومجلس المدينة برضو جنبنا”.
وعبر أحد الأهالي يدعى عيد أحمد عن استيائه من تعطيل يومه: قائلاً: “منهم لله كلهم، السواقين موقفين حالنا ومش عارفين نروح بيوتنا، ومفيش قدامنا غير التكتك والتكتك بياخد اقل حاجة 30 جنيها واحنا كنا بنركب العربيات بجنيه واحد. حرام كده وكله ده بسبب رئيس مجلس المدينة”.
وقالت الطالبة رحاب سيد “كأن البلد مفيهاش مسؤولين أو المسؤولين في غفلة، ازاي سيادة رئيس مجلس المدينة يطلع قرار زي ده، المكان مش مكفي سيارات الاجرة اصلاً يبقي ازاي تجيب سيارات النقل كمان، والموقف جنب مركز شرطة سنورس والضباط ببتفرجوا على السواقين ومش قادرين يعملوا اي حاجة”.
