سادت حالة من الاستياء الشديد بين أهالي مدينة الجمالية بمحافظة الدقهلية؛ بعد التكسير المتكرر للأرصفة والطرق وتركها لمدة طويلة رغم تجديدها منذ عدة شهور؛ حيث تقوم كل من شركات الصيانة بتكسير الطريق وتركه وبعدها يتم رصفه ثم تأتي شركة أخرى وتقوم بتكسيره، ما يعد إهدارًا للمال العام.
يتسبب تكسير الرصيف والطرق في حالة من الازدحام الشديد والتكدس المروري وخاصة عند مدخل المدينة.
يقول أحمد السيد: “أنا مش فاهم مجلس المدينة ده بيعمل إيه؟ الطرق دي معمولة من شهرين وجايين يكسروها النهارده دون أسباب! المجلس قاعد يدفع ملايين في حاجة ملهاش لازمة ولو احتجناه في حاجة ميعبرناش”.
ويضيف السيد العراقي، سائق “أنا دلوقتي المشوار أبو ساعة ونص بقيت باخدو في ساعتين واكتر كمان بسبب الازدحام بمدينة الجمالية! والناس بتبقي وراها مصالح ومستعجلة طب انا اعمل ايه! الحكومة للأسف نسيت راحة المواطنين وأي حاجة بيعملوها دلوقتي ضد المواطن”.
وتعلق أم راضي: “للأسف احنا في بلد مبتقدرش المواطن البسيط ولا بتعمل على راحته ايه الاستفادة من إنك تكسر طرق وتعيد بنايتها مرة أخرى من غير أي سبب مع إنك لسه عاملها من شهرين الملايين دي تخش في مشاكلنا أحسن.. بلد ماشية بدون أي فكر ودون أي نظام من أول المجلس وانت طالع حسبي الله ونعم الوكيل”.
