يعد “ملعب الخاصة” المتنفس الوحيد لشباب وأطفال مدينة حوش عيسى حيث يقام فيه يوميا دورات لكرة القدم تجمع بين الشباب من مختلف المناطق داخل المدينة، وهو الملجأ الوحيد لأطفال المدينة إلا أنه أصبح مأوى للفئران والزواحف والحشرات.
وبتجول “رصد” وسؤال أهالي المنطقة الذين سيطر عليهم الغضب قالت سلوى السيد، ربة منزل: “هي الحكومة عايزة مننا إيه، لا عارفين ناكل ولا نشرب ولا نعيش في مكان نضيف وآمن”.
وأضاف الحاج عبدالرحيم علي، على المعاش: “بعتنا واشتكينا لمجلس المدينة لكن ودن من طين والتانية من عجين، الدبان مالي المكان غير الريحة اللي مابقناش قادرين نستحملها”.
وأوضح طفل يدعى محمد: “أمي مش راضية تطلعني ألعب علشان خايفة علي لأننا بنلعب على الأسفلت في طريق العربيات لأن الملعب مليان ميه من زمان”.
وأضاف مصطفى محمود: “إحنا مش لاقيين تعليم كويس ولا شغل يأكلنا عيش ولا حتى عيشة نضيفة لما الحكومة مش عارفة تعمل أي حاجة وكل وعودها لينا كلام في الهوا يروحوا يطلعوا الإخوان من السجون ويدوا العيش لخبازه، خلونا نعرف نعيش يومين”.
