تعرض الدكتور أحمد السخاوي الطبيب في مستشفى الفيوم العام للتهديد من قبل ضابط بالجيش أثناء تأدية عمله بقسم العناية المركزة بعد أن طلب منه الضابط ترك حالة تحت جهاز التنفس الصناعي وذلك للكشف على والدته وهدده بالسلاح لولا تدخل أهل المرضى وانتزاع الدكتور من يد الضابط، مما أدى إلى حالة من الغضب والفوضى بالمستشفى بعد هذا الحادث.
يقول الدكتور السخاوي إنه سيترك هذا القسم نهائيا لعدم تحقق الأمن له وللمرضى بالمستشفى، ويتابع أحمد رجب، ممرض: “المستشفى مافيهوش أمن والدكتور أحمد السخاوي الكل عارف أخلاقه وطيبته، وعشان الضابط والدته مريضة وماحدش عاجبه في البلد دي ييجي يهدد الدكتور وعايز ياخده وهو تحت إيده حالة صعبة تحت التنفس الصناعي ولولا تدخل أهل المرضى كان قتل الدكتور”.
وأشار آخر: “الدكتور أحمد ذنبه إنه شغال في مستشفى مافيهوش أمن، والقسم فيه 17 سرير عليهم مرضى مع إن المستشفى قديم وآيل للسقوط، للأسف حال الصحة في مصر تحت الزفت بتلات شويات”.
وأكد ممرض آخر: “طبعا عشان الدكتور عارف إن مافيش حد يقدر يجيب حقه قال إنه مش هيدخل العناية تاني حتى لو حصل إيه لأنه ماعندوش استعداد إنه يموت ببلاش عشان مافيش أمن”.
