سخر رواد مواقع التواصل الاجتماعي، من صورة تفتيش الوزراء أثناء دخلوهم المطار للسفر لشرم الشيخ لدعم السياحة.

وتداول “رواد التواصل” فيديو يوضح تفتيش 4 وزراء ذاتيًا بمطار شرم الشيخ، وذلك أثناء مغادرتهم اجتماع مجلس الوزراء بمدينة شرم الشيخ.

وهؤلاء الوزراء هم المهندس ياسر القاضي، وزير الاتصالات، والدكتور أحمد زكي بدر، وزير التنمية المحلية، والدكتورة سحر نصر، وزيرة التعاون الدولي، ووزير آخر لم يتم ذكر اسمه حتى الآن.

ويوضح الفيديو، قيام عناصر من تأمين المطار، بتفتيش الوزراء ذاتيًا، وخلع الوزراء لأحذيتهم أثناء عملية التفتيش.

ومن جانبه، قال الناشط أيمن بيكهم: “طب انتوا مصدقين الكلام ده بتاع التفتيش للوزراء، وقسمًا بالله لو ما في كاميرا ما واحد هيجرؤ إن حتى يفكر أو يخطر على باله من الأمن إن يفتش وزير ولا حتى ضابط ولا مستشار، وإلا ماكنوش يمشوا بسيارتهم بدون رخص ويستغلوا سيارات متحدي الإعاقة ويشتروها منهم بثمن بخث عشان محدش هيقولهم من المرور حتى بطاقته بمجرد ما يشوف النسر ولا الميزان.. على العربية”.

وأضاف “كفانا نفاق بجد لأن النفاق هو اللي شبع من المناظر دي، مش انتوا اللي شبعتوا منه؟؟ بقى أحمد زكي بدر هيقبل إن حتى يفتشه”.

وقال مصطفي بسيم: “بمناسبة موضوع صور الوزراء وهما بيقلعوا الجزم وبيتفتشوا وبتاع في مطار شرم الشيخ والشو الإعلامي ده، وأنا جاي من شرم الشيخ أمين الشرطة عدى واحد قدامي من غير ما يقلع جزمته ولا يطلع أي حاجة من جيوبه ولا يتفتش علشان طلعله كارنيه وقاله بدل وجع القلب ده أنا رئيس محكمة ف مش هنحور على بعض يا جدعان يعني الجو ده فاكس فشخ”.

وأضاف الناشط السياسي مينا منسي: “صورني وأنا بتفتش، والله العظيم عمر سليمان الله يرحمه ويطول عمره لو كان عايش كان أعدم شوية المبتدئين اللي بيقولوا للصحافة تنشر الهبل ده”.

وقال أحمد علي: “ياديني على المسخرة يا جدعان الحوار مش ناس من شبرا ولا العتبة الحوار أكبر من كده انتوا ليه مش فاهمين”.

وأضاف “طيب معلومة اللي معاه باسبور دبلوماسي أو وزير أو غيره مش بيعدي من الصالة العادية بيعدي من صالة كبار الزوار”.

وأضاف مصطفي محمود “صورني وأنا بقلع عشان اتفتش يمكن الكلام ده ياكل مع روسيا”.

وقال أحمد يونس: “الأومليت صناعة مصرية!، تفتيش ذاتي لـ4 وزراء في مطار شرم الشيخ، الصور دي فيها رسائل سلبية غاية في الخطورة”.