سادت حالة من الغضب والاستياء بين أهالي قرية “الوفائية” التابعة لمركز الدلنجات بمحافظة البحيرة، بسبب ارتفاع فاتورة مياه الشرب إلى أكثر من “مائة جنيه” .
وأكد الأهالي أن فواتير الشهور الماضية لم تتعد”20 جنيها”؛ ورفضوا دفع قيمة الفواتير، وقام بعضهم بالمشاجرة مع محصلي الفواتير وكذلك اتهام الشركة بالسرقة، ما ادي الى القاء القبض على بعضهم؛ الأمر الذي ألقى الرعب في قلوب الأهالي واضطروا لدفع قيمة الفواتير حتى لا يلقوا نفس مصير من تم القبض عليهم.
يقول أحمد محمود : “إحنا الفاتورة كانت بتيجلنا 6 جنيه على طول والشهر ده جت 123 جنيها… هندفع منين ولا هنجيب منين”؛ ويضيف صبري فؤاد: “الميه بتقطع على طول وإحنا استعمالنا ليها بسيط وفي أخر الشهر لقيت جاي عليا فاتورة 150 جنيه.. طيب ازاي؟”.
ويعلق سامح عبد الله : “الدعم اترفع عن المياه كمان يعني كدة المرتب بقا نصه للكهرباء ونصه للمياه. والتليفزيون كله تحيا مصر ومصر بتفرح واحنا لازم نفرح… طيب فين دعم المواطن الغلبان يا حكومة”.
