تضمنت تحقيقات نيابة أمن الدولة العليا، في قضية رشوة وزير الزراعة، مكالمات بين محمد فودة والمهندس صلاح هلال وزير الزراعة السابق، ومحيي قدح، حول إنهاء أوراق الأرض الخاصة بشركة “كايرو ثري إيه”.
وجاء في التسجيلات، بحسب “المصري اليوم”، شخص لـ«فودة»: عاوزينك تستغل سلطاتك عند وزير الصحة.. و«فودة» لـ«محيي»: خدمة الواتس هتنزلك خبر دلوقتي وأنا بلغت «خالد». و«محيي» لـ«فودة»: لا تقلق الوزير هيخلص مشكلة الشركة طول ما هو راضي عنكم. و«فودة» لـ«محيي»: يا مشمس.. كل اللي عاوزه الوزير أوامر.
وإلى نص تفريغ المكالمات:
وتبين من خلال تفريغ النيابة العامة لتسجيلات الرقابة الإدارية التي دارت بين المتهمين في القضية؛ حيث احتوى الشريط الأول:
محيي: يا عم انت بتتدلع مفيش حاجة ياعم مفيش حاجة
الثانى: ان شاء الله الحمد لله ان شاء الله باذن الله بس هم اطمنوا النهارده شوية الحمد لله بشوية الحاجات اللى عملوها النهارده الحمد لله أحسن الحمد لله
محيى: سلامتك الف سلامة عليك
الثانى: بس هم هيعملوا حاجات للسفر اللى هي بتاعة القلب دية عشان الأوعية بتاعة القلب والحاجات الصبغة التليفزيونية ومش عارف إيه
محيى: الف سلامة عليك
الثانى: ربنا يخليك يا باشا والنبى خليك بس في الموضع اللى انا قولتلك عليه بس
محيى: ما شى يا حبيبى ان شاء الله باذن الله متقلقش خلاص كله خير بس وتبادلا التحية وانتهت المحادثة.
المحادثة الثالثة: وهى دارت بين رجلين الاول والثانى
الاول: يا حبيبى صباح الخير
الثانى: ازى معاليك يا فندم ازى صحتك
الاول: ايه الاخبار انت فين؟
الثانى: انا لسه هبتدى اهه اخد الكباسات ولودر عشان اركب بس 125 اللى فاضلالى
الاول: طيب ربنا معاك ان شاء الله يعنى راجع النهارده عودة بقى ان شاء الله النهارده
الثانى: ان شاء الله باذن الله
الاول: طيب الله يكرمك كان في حاجة تبع شركة اسمها كايرو ثرى ايه الناس دول مخلصين اجراءاتهم وبيقولوا ان هما عايزين يخلصوا الاوراق الباقية ايه المشكلة بتاع الناس دى ليه مش نافع
الثانى: لا مفيش أي مشكلة يا فندم لا لا دى كانت في المشروعات المدنية اخد الكلكة منهم بس
الاول: والكلكة جت ولا لسه
الثانى: لا لسه هنعملها «كلام غير واضح»
الاول: طيب دلوقتى هقولك حاجة يا باشا الوزير موصى ان احنا عايزين عشرين مليار يدخلوا للهيئة دى تحصيل من الناس التقنين وتغيير النشاط والكلام ده ليه حد زى كده منستغلوش ونخلص الاجراءات ليهم بسرعة وناخد الفلوس ويتم التوافق مع القانون
الثانى: إن شاء الله باذن الله يا فندم
الاول: طيب الله يكرمك النهاردة عشان الوزير كان مدى توجيهات ان كل الحالات اللى زى كده تمشى وفقا للاجراءات هم في اجراءات عندهم في مشاكل عندهم ولا اجراءاتهم سليمة
الثانى: لا إن شاء الله باذن الله اجراءاتهم سليمة باذن الله
الاول: طيب طالما إجراءاتهم سليمة يا باشا الله يكرمك احنا عايزين الموضوع يخلص انا اقصى حاجة مش حضرتك عوزها النهارده ان شاء الله؟
الثانى: اه ان شاء الله باذن الله
الاول: طيب بكرة ان شاء الله يكون في اجراء بعد اذن حضرتك ونعرضه مع بعض على السيد الوزير بكرة ان شاء الله
الثانى: حاضر يا فندم
المحادثة الرابعة وهى دارت بين رجلين احدهما يدعى هشام والاخر بالاول
الاول: هشام بك
الثانى: ايوه يا فندم
الاول: بقولك دلوقتى معالى الوزير بلغنى كلمنى بيقولى ان هو كلم حضرتك بخصوص نفس الشكوى اللى كانت وردت من موضوع كايرو الشركة بتاعت كايرو ثرى ايه ولوقتى معالى الوزير قال ان حضرتك النهاردة وقت ما هتيجى هتعدى عليه عشان بخصوص هذا الامر ارجو من حضرتك تهتم بالامر اهتمام مناسب لانه الناس دلوقتى بيروجوا مش الشركة بس كافة الحالات المثلى ان احنا مش عايزين ناخد حقوق الدولة وسايبنها على الوزارة فعايزين دى ننتهى منه في اقرب وقت ممكن يعنى بكرة يكون الاجراء موجود قدام معالى الوزير وبيعتمده عشان نخلص وبعد كده تقول اهو ده النموذج الاول من حالات التقنين
هشام: حاضر يا فندم
الاول: ماشى يا H
هشام: حاضر يا فندم
الاول: انت نايم ولا ايه
هشام: لا يا فندم ده اصل في عاصفة ترابية جامدة اوى فكنين جوه في مكان كد
الاول: اظن انت وزن تقيل مش هتاثر العاصفة الترابية فيك
هشام: لا والله دى عاصفة جامدة اوى
المحادثة الخامسة بين شخصين الاول والثانى
الاول: سعادة الباشا
الثانى: صباح الفل يا حبيبى اخبارك ايه
الاول: صباح الفل يا سعادة الباشا الحمد لله
الثانى: حمدا لله على السلامة عودة حميدة
الاول: ضحكات
الثانى: كله تمام عاوز منك موضوعين يا باشا في غاية الاهمية
الاول: عينا اكتب يا فندم
الثانى: واحد
الاول: عينا
الثانى: موضوع الشركة اللى هي بتاع الاسماعيلية اللى اسمها شركة زهرة مش عارف ايه
الاول: اه ما هي دى داخلة مجلس ادرارة يا فندم
الثانى: طيب يا فندم ممكن بعد اذن سيادتك تبعتلى ورقة بتقول الكلام ده
الاول: حاضر يا فندم
الثانى: عشان معاون رئيس مجلس الوزراء كلمنى اكتر من مرة
الاول: حالا يا فندم
الثانى: ويليه دراسة ماشى فهنتظر من حضرتك ورقة دلوقتى
الاول: حاضر يا فندم
الثانى: ده اولا ثانيا في الشركة الشكوى بتاعت كايرو ثرى ايه ماذا حدث لها
الاول: لا يا فندم ما انا بجيب الورق دلوقتى اهون انا اول ما جيت ماليش شغلانة غيرها عشان تطلع على اللجنة العليا على طول ان شاء الله
الثانى: هييجى بيها ونبتدى بيها النقطة التالتة عندى حد هنا اسمه مش عارف ايه عنده مشكلة في ارض بيقول نفس النظام زى كايرو ثرى ايه كده بيقول انى عليها مشاكل وهو دافع واللجنة مش عارف طلعت وبيقول ان الحل في ايد سيادتك
الاول: ييجى يا فندم يشرف المكتب
الثانى: ارجو ان سيادتك تقابله
الاول: حاضر يا دكتور
الثانى: تسلم
الاول: حاضر يا دكتور
الثانى: وبنشكر ونهنى على الازالة الجيدة اللى سيادتك قمت بيها والدور الرائع واتحكى لنا على انت ازاى كنت بتمثل وزير الزراعة هناك
الاول: يا فندم ده انا شغلى وانا خدام حضرتك يا فندم والله
الثانى: تسلم ربنا يخليك شد حيلك في انتظار ما تم الاشارة اليه
الاول: حاضر يا فندم
وتبادلا التحية
المحادثة السابعة
وتدور بين الشخصين
الاول: بص يا حبيبى والنبى محتاج حاجتين محتاج الفرافرة مش احنا كان عندنا الاحداثيات بتاعتها والاحداثيات بتاعة الاسكان والكلام ده كله
الثانى: أنا معرفش دى يا فندم اجيبهالك يعنى
الاول: انا كنت محتاج بس ممكن اكلم اللواء مهاب عليها خلاص ومدخلكش انت في متاهات انت طيب الحاجة الثانية محتاج الورق بتاع شركة كايرو ثرى ايه عاوز نسخة من الورق اللى عندنا كله بالتواريخ بالترتيب اااعاوز نسخة ها
الثانى: ماشى حاضر بس مش النهارده يوم السبت ممكن
الاول: عارف ان انت النهارده مشغول بس انا محتاج نسخة عشان يبقى عندى هو احنا هو الدكتور عادل البلتاجى كان واقف التعامل على الارض دى وفقا لراى المستشار القانونى
المحادثة الثامنة:
الاول: ايه يا حبيبى
الثانى: ايوه يا حبيبى
الاول:تليفونك ايه مالو؟
الثانى: معلش
الاول: مش انت قلت هتعملوا استعدادات النهارده «كلام غير واضح»
الثانى: ما راح في تكليف منا بقولك التكليف بتاع امبارح دا لغاله حاجات كتير فكلم المحافظين خلاهم راحو. أنا قلتلو يا فندم طاب يروحوا قلى
الاول: انا عاوز عشان اجننهولك عاوز لقطة وهو على راس غيط وهو بيعدى
على ارض. عاوز تلات اربع مشاهد كدا. كل المشاهد حوالى عشر ثوانى ليه عشان
ابقى ادخلها في الكليب.
الثانى: بالضبط.
الاول: وكمان دا إحياء لروح الابنودى ودا اخر ما تعاقدت عليه وزارة الزراعة الدكتور محيى قدح. ايه رأيك.
الثانى: ميه ميه تسلم.
الاول: مانا عاملك في العقد خللى بالك دا انا هجيبهولك انت اللى متعاقد.
الثانى: يا راجل.
الاول: اه ورحمة امى كلام غير صحيح.
الثانى: تسلم.
الاول: تمام وانا هخلصلك موضوع «كلام غير واضح» خاص بالكهرباء.
الثانى: متجيله عشان تاخد الامضاء منه.
الاول: نتعشى الثلاثاء مع بعض ايه رأيك.
الثانى: اوكى ونخرج سوا مع بعض عشان ناخد الامضاء.
الاول: انت هتبوسنى ورحمة امى هتبوسنى وتقوللى انت فعلا ابويا اللى
اغلى حاجة عندى في الدنيا، عمر ضاحى اخباره إيه.
الثانى: فل.
الاول: خلصت.
الثانى: خلاص توكل على الله.
الثانى: توكل على الله، ده راجل شغله زى الفل.
الاول: أقولك النظيف ما يختلفش عليه اتنين، وده راجل نائب رئيس مجلس دولة وكبير.
الاول: والله العظيم ولا حتى الراجل الوزير بتاعك ده اللى انا معرفهوش كويس وبعرفه من خلالك، بس عاوز أقولك على الراجل ده من انظف واشرف الناس بردو خللى السمعة هي اللى بتشيل الواحد.
الثانى: أكيد.
المحادثة الحادية عشرة
الاول: حبيبى.
الثانى: مين.
الاول: محيى.
الثانى: ايوه يا محيى ازيك يا حبيبى اخبارك ايه.
الاول: كله تمام.. كان معايا الدكتور سعد موسى، رئيس الحجر الزراعى، وبيتكلم في الموضوع اللى كنا اتكلمنا فيه كدا وكان فحص الحاجات اللى كنا اتكلمنا فيها وقال في حاجات تمشى وحاجات متمشيش وكنت احب حضرتك تتكلم معاه في التليفون دلوقتى على ما تعقد لجنة ونتناقش في الحاجات فيه، رأى حضرتك.
الثانى: اوى اوى.
الاول: معاك دقيقة واحدة.
انتقل الحديث لشخص ثالث.
الثالث: المهندس أيمن سلامو عليكو.
الثانى: اهلا يا دكتور ازى حضرتك كله تمام.
الثالث: الحمد لله.
الثانى: كان عندنا مقترحات لتسهيل العملية بتاعتنا وده مش لشركتنا بس
انا بطلب لكل الناس.. تفعيل معامل في الموانئ.. رأى حضرتك إيه.. ان العينة
تنزل مصر وان العربية اتاخرت ولا الكلام ده كله تضييع وقت.. ثانيا احنا
البلد الوحيد اللى بتتكلم عن الامبوزيا واحنا فاتحين الاستيراد فا مش معقول
في مركب تعدى ومركب متعديش يا إما نقول يا جماعة متستوردوش من البلاد دى
ومتستوردوش من أمريكا يا اما نتعامل زى ما كنا بنتعامل قبل 2010.
الثالث: هو طبقا للقانون أي عينة فيها امبوزيا متنفعش تخش البلد لأنها حشيشة خطيرة على البيئة والنباتات المصرية، فإحنا مش عايزينها تنتشر يا فندم فا دى من ضمن تشريعات الحجر الزراعى وانا ممكن آخد راى مختصين في معهد بحوث الحشائش واقولك على الرأى العلمى وممكن نغير القوانين بس لصالح البلد.
الثانى: ندردش وبعدين نقابل الوزير.
الاول: انا بقترح اننا ننسق القعدة يكون فيها الدكتور سعد والدكتورة جيهان وبعد كدا تعرض على الوزير في يوم واحد بحيث يبقى قداموا وناخد القرارات في وقتها
الثانى: تمام نحدد ميعاد.
المحادثة الثانية عشرة.
الثانى: ايوه يا باشا.
الاول: نسقنا قعدة هيكون فيها الحجر والأغذية والالات ومتبقيات المبيدات وناقش ونخلص ونعرض على الوزير بال احنا عايزينه.
الثانى: ايوه يا باشا
الاول: معالى الوزير معاك اهه علشان انت زعلان منى الله يكرمك خد كلمة
الثالث: يا باشا.
الثانى: يا حبيبى والله عشان خاطرك بس الولد ده مكنتش هكلمه ولا هرد
عليه تانى بس علشان خاطر معاليك بس.
الثالث: والله انا يعنى
الثانى: لطعنى اربع ساعات
الثالث: ومين يقدر يقلك اربع ساعات
الثانى: لا لا انا أستنى اخويا الكبير حبيبى اللى بحبه في الله واقسم
بالله العظيم بجد وانا فرحان بيك انت عامل ثورة وقلق.
ايوه مهو نجاحك من نجاحى معالى الوزير.
الثالث: طبعا يا باشا انا هقلك حاجة.
الثانى: الواد خالد صلاح قال ده معلم قلتله ليه قال صامت صامت وهو
بيعيد ترتيب البيت من الداخل وبعدين هيفشخ التخين.
ومفيش حد فوق القانون وخد تصريحات محلب من هند مسؤولة مجلس الوزراء
ونازلة بكرة في الجرايد.
الثالث- مقاطعا: بص يا فندم انا دلوقتى امام امرين.. فرد خد الارض
الفردين دول خدوا الارض فرد منهم خدها على انها زراعى وحولها لسكنى ودول
على الثلاث طرق مصر- الاسكندرية، ومصر- الاسماعيلية، ومصر- السويس الصحراوى مش كده انا مش هاجى النهارده اهدلهم والا ابقى بحط دماغى في الرمل يبقى على
الاقل أخليه يدفع حق الدولة ماشى كده.
الثانى: نغير لهم النشاط.
الثالث: إذا كان الفرد اللى خالف قننتله الوضع يبقى من الاولى اقنن وضع زراعة الصحراء
الثانى: انا هديله مهلة يقنن وضعه ويدى حق الدولة.
الثالث: عجبك ماشى معجبكش انا ههدلك.
الثانى مقاطعا: انا هاخد التصريحات دى.
الثالث: وهسجنه.
الثانى: وهفضحك في كل حتة في الدنيا.
الثالث: مش هيلحق يتفضح الدولة هيبتها عادت يا محمد بك هسجنه.
الأول: أيوه يا حبيبى.
الثانى: أيوه يا صديقى العزيز.. في أنا موقف شاب لابس فانلة زرقاء علشان ياخد العربية يركنها في الجراج ويطلع سيادتك لأن الشارع كله تكاتك وحاجة توجع القلب.
الأول: سألت على الموضوع ده ولا مسألتش عليه.
الثانى: آه.. أنا مستنى الرد دلوقتى.
الأول: دى حاجة غريبة صح؟
الثانى: آه منا قولتله يعنى عندكم شيك بتنين ونص مليون متحصلهوش ليه فقالى منا هشوف وأقول لسيادتك.
الأول: طاب يلا يا حبيبى أنا جايلك في الطريق.
الثانى: أنا في انتظار سعادتك.
المحادثة الخامسة
الثانى: بقولك ايه… انت عارف أنا مبثقش في حد إلا انت… هو خلاص وعرضوها على لجنة فنية… يبقى كده تمام
الأول: يبقى كده تمام بس يخلصوا متطولش.
الثانى: يعنى ايه لجنة فنية.
الأول: دى علشان تقر ان هذه المساحات والزراعات تتناسب مع المكان… حاجة إجراء كده بيتعمل.
المحادثة السادسة
الأول: السلام عليكو يا خويا
الثانى: يا سيادة اللواء أنا في الوزارة أهو.. بقولك ايه يا حبيب قلبى.. دلوقتى انت في الهيئة عندك؟
الاول: أنا في المكتب… في الشركة.
الثانى: طب أنا بقولك ايو والنبى… احنا عندنا سبعين فدان استصلاح وبعقد أزرق… هو الاستصلاح تبعك ولا ايه؟
الأول: استصلاح الأراضى دى هيئة تانية… هيئة استصلاح الأراضى.
الثانى: طيب دى ايه يا سيادة اللواء؟
الأول: دى هيئة اللى هي الأرض الخضراء دى… اللى هي تعتبر في الوادى.
الثانى: لا لا دى في دمياط… الاستصلاح دا في دمياط.
الأول: مهو دمياط ده يعتبر في الوادى… لكن احنا بنتكلم على الصحراء دى اللى هي الهيئة عندنا شغالة فيها… انت عايز ايه من اصلاح الأراضى.
الثانى: عايز أسأل علطول والنبى… احنا عندنا سبعين فدان عاوزين نعملهم صوامع
الأول: طب انت سعادتك فين دلوقتى؟؟؟ في الوزارة مش كده.
الثانى: أنا موجود عند الوزير.
الأول: طيب أنا ممكن أبعت لسعادتك واحد ياخد الورق ده وهيطلع هو على الاصلاح الزراعى يعمل هو اللى ربنا يقدره عليه.
الثانى: طيب ربنا يخليك ليا يا حبيب قلبى.
الأول: ابعته لسعادتك فين.. ان شاء الله لو عز موجود مع سيادتك اخليه ياخد الورق ده واخليه يقابله.
الثانى: هاخلى عز ياخد الورق دلوقتى علشان أنا مع الوزير دلوقتى ونشوف بس نخلصه.. وأنا هاخد البيانات حالا دلوقتى وأكلمك تانى.
الاول: خلاص أوكيه.
المحادثة السابعة
الأول: ايوه يا ريس.
الثانى: أنا بس عايزين بس استفسار.. أنا دلوقتى أنكل رفعت بيكلمنى من دمياط.. في قدامه سبعين ألف فدان اكتب بس هنسأل بس الراجل هيقول آه أو لا.. هي في 70 فدان في طريق دمياط الدولى الساحلى… الـ 70 فدان استصلاح بعقد أزرق.. الأرض الملاصقة للـ 70 فدان دول أرض مبانى.. المطلوب هل من الممكن عمل مصنع صوامع على هذه الأرض
الاول: أنا بكتب أهوه… تمام.
الثانى: هو معندهومش اظهار صحراوى؟
الأول: لا معندهمش… دمياط ما فيهاش السنة دى.
الثانى: مهو كلها هنامك فعلا زى مانت قولت كده… بس احنا عاوزين نسأل… وهل في ايد الوزير ان هو يوافق عليها؟؟ مجرد سؤال
الاول: أجيبلك من الآخر
الثانى: أه
الأول: أيوه… ودى لو الوزير رفع سماعة التليفون كلم رئيس هيئة الاصلاح الزراعى وقاله ان دى يطلع لها تصديق ان يبقى في عليها صوامع هتطلع
الثانى: عقد أزرق..هه؟
الأول: ان شاء الله يكون ما فيش عقد… أرض موجودة ومعايا حجة أياً كانت… وعايز أعمل عليها صوامع
الثانى:طب اسأللى قبل ما اشترى
الأول: حاضر حاضر
الثانى: أنا بس مجرد… علشان أنا بثق فيك… هشترى هتقولى… السبعين فدان دول في طريق دمياط الدولى الساحلى ودا استصلاح… الارض الملاصقة مبانى… المطلوب هل من الممكن عمل صوامع على هذه الأرض
الأول: حالا
المحادثة الثامنة
الأول: دلوقتى مفيش مشكلة ان يتعمل صوامع.. هيتعمل حاجة اسمها طلب تغيير نشاط حيازة
الثانى: لا استنى هجيب ورقة وقلم
الأول: لا متكتبش حاجة… هو قالى عز هيبقى يكلمنى
الثانى: آه
الأول: طيب طيب… هو في الدكتور حسن الفولى دا اللى ماسك رئيس الهيئة… دا اللى لسه مستلم زيى آه
الثانى: طب ثانية واحدة… هاتى قلم يا بنت
الأول: لو عايزنى نروح انا وانت نقابل حسن دا مفيش مشكلة… دا راجل محترم وكان معايا في اللجنة الفنية بتاعة الهيئة.
الثانى: طب لو كتبنا طلب باسم الوزير ان الحتة كذا كذا (كلام غير واضح)… يكتب عليها السيد حسن الفولى لاتخاذ الإجراءات..
