اشتكى أهالي مدينة برج العرب بغرب الإسكندرية من انقطاع المياه لليوم الثالث على التوالي، على الرغم من إعلان جهاز المدينة سبب العطل، أمس الجمعة، مؤكدًا أنه جارٍ الإصلاح.
وحسبما أعلن جهاز مدينة برج العرب الجديد، فإن المياه انقطعت نتيجة عطل في إحدى محطات المياة لزيادة نسبة الأملاح واختلاطها بالصرف، مؤكدًا أنه جار التنسيق مع شركة المياه لإصلاح العطل.
وتساءلت فاطمة بسيوني: “المية هتيجي امتى يا رئيس الجهاز”.
.jpeg)
وقالت رضوى عبد الغني: “امبارح كانوا بيقولوا كمان ساعة الميه هتيجي، هي الساعة ده مش عايزة تعدي ولا ايه يابشر، الميه هتيجي امتى”.
.jpeg)
وأعرب مخلص عنكبوتو، عن استيائه قائلاً: “ياجماعة والله كدا ماينفع، كله إلا الميه، كهربا قولنا ماشي، الصرف وقلنا برده ماشي، لكن الميه لا ولو فضلنا ساكتين نستاهل ضرب القفا”.
.jpeg)
وسأل محمد أشرف، عبر صفحته على “فيس بوك”، أصدقاءه عن مكان يستطيع منه ملء المياه، قائلاً: “حد يعرف مكان قريب في ماء ممكن نملأ منه”.
.jpeg)
وقال محمود السيد: “في حد هنا عارف الميه هتيجي امتى عشان الواحد خلاص هيولع في نفسه”.
.jpeg)
وطالبت سارة سيد بمحاكمة مسؤولي شركة المياه والمتواطئين معهم.
.jpeg)
وعبر مجموعة على موقع التواصل الاجتماعي، باسم “برج العرب الجديدة”، نشر الكثيرون شكواهم، فقالت آية أسامة: “احنا بقينا بعد الظهر، والحمد لله الحال كما هو عليه، مش عارفة الظهر اللي أعلنوا إن الميه هتيجي وقته امتى هييجي بالظبط.. امسؤليين كفيش عندهم غير الكلام وخلاص.. دولة الفشل والكذب”.
وبسخرية، وصف أبو بكر محمد، الحالة التي يعيش فيها مواطنو برج العرب، قائلاً: “الكهربا بتقطع أكتر اليوم تقريبا، ومفيش ميه من 3 أيام في بعض المناطق، والصرف ما شاء الله اللهم لا حسد بيفكرني بنظام التصريف الياباني، والغريب إن المسؤولين على قدر المسؤولية اللهم لا حسد، برده حلوا المشكلة في وقت قياسي، لدرجة إننا من الصدمة مش مصدقين”.
وأضاف ساخرا: “المهم أحب اشكر صاحب فكرة الحصول على مياه الأمطار عن طريق الجرادل، أول مرة في حياتي أجرب الفكرة ده بس يارب تمطر بقى عشان الفكرة تنجح”.
