اشتكى طلاب جامعة بني سويف بمختلف الكليات، من تأخر صرف الدعم الطلابي لهم فعلى الرغم من مرور أكثر من شهر على بداية العام الدراسي فإنه حتى الآن لم يتم صرف الدعم للطلاب، ليعيش الطالب غير القادر على تحمل مصاريف الدراسة في أزمة حقيقية نظرا لاحتياجه الشديد إلى الدعم والكتب الدراسة للانتظام في الدراسة.
وتقول شيماء.ع، طالبة: “السنة اللي كانوا بيقولوا عليها أسوأ السنين اللي عدت على مصر اللي كان فيها مرسي رئيس، اتصرف لنا الدعم على طول بعد بداية الدراسة، وكان دعما كاملا للكتب والكارنيه، لكن السنة دي مش عارفة فيه إيه!!”.
وأضاف محمد.ج، طالب: “التيرم قرب يخلص وأنا لسه ماجبتش الكتب بسبب تأخير الدعم، والدكاترة بيدونا شيتات في الكتاب بيطلبوا مننا حلها، وأحيانا بياخدوا غياب على الكتب، وطبعا مش معايا الكتاب لسه.. فكده أنا مستقبلي بيضيع بجد”.
وعلق محمد أحمد، أحد موظفي شؤون الطلاب على الأزمة، بقوله: “البلد ميزانيتها واقعة، وموضوع التأخير ده مش بأيدينا، ولكن لأن الوزارة مافيش فيها فلوس”.
