سخر رواد موقع التواصل الاجتماعي “فيس بوك”، من التصريحات التي أطلقها اللواء إسماعيل عبدالواحد، رئيس حي الهرم؛ حيث أكد أن الشؤون الاجتماعية ستقوم بصرف 100 جنيه لكل فرد من سكان عقار فيصل المنهار، والمتضررين أيضًا من انهيار العقار.

وقال إبراهيم صلاح، أحد رواد “فيس بوك”: “دا تبذير يا راجل وفرهم علشان الملايين اللي هيتصرفوا تعويض للروسيين”.

بينما سخر أحد الأشخاص من الأمر قائلًا: “اللي ماتوا ولا اللي صاحيين أصلها تفرق عشان اللي صاحيين أكيد هيموتوا من الحسرة”.

بينما سخر محمد أحمد من الأمر قائلًا: “الـ100 جنيه هيخدوها مرة واحدة ولا على دفعات”.

وقالت هند سليمان: “100 جنيه يابختهم الواحد على كده يتمنى العقار يقع بيه عشان ياخد الـ100 ج دي فرصة مش هتتكرر”.

كما سخر محمد أبو رحمة من المبلغ قائلًا: “لأ كتير أوي كده 100 جنيه دول يشتروا فيلا مش شقة!”.

بينما قال محمد العرابي: “100 جنيه ليه.. ده كده تبذير”.

وهو ما أيده إسلام ميمي؛ حيث سخر قائلًا: “انتوا بتضيعوا فلوس البلد كده هدر 100 جنيه بحالها ده تبذير ده استهتار بالمال العام”.

وقالت مروة فؤاد: “100 جنيه؟ كتييير يا راجل وجاي على نفسك ليه اعتبره روسي يا أخي”.