فوجئ المرضى والأهالي بمستشفى المنزلة العام، بمحافظة الدقهلية، بوجود قطط داخل المستشفى، صباح اليوم السبت، على الرغم من تجديد طلاء المستشفى وتنظيفه الشهر الماضي قبل زيارة المحافظ.
رصدت عدسة “رصد”، وجودًا وانتشارًا للقطط بالمستشفى..
يقول أحمد جمال: “مش كفاية المستشفى مش نظيف من جوه نلاقي قطط كمان وهي سبب من أسباب انتشار العدوى داخل المستشفى ونروح للمسؤولين هناك عشان يخرجوهم محدش يعبرنا”.
وسخر حسام الدين سعد، قائلًا: “المستشفى ده فيه كل حاجة قمامة تلاقي قطط تلاقي احنا مش حارمين المرضى من أي حاجة خالص”.
وأضاف السيد سليمان “الخدمة في المستشفى ده مش كويسة خالص ومع ذلك احنا غلابة ومش معانا فلوس نتعالج في مستشفيات خاصة فلازم ينظفوا المستشفى من كل حاجة.. لازم نتعامل كبني آدمين مش كقطط”. وتابع: “إنما لو عرفوا ان أحد المسؤولين جاي ينظفوه في ثواني وبعديها بشهر زي ما انت شايف حسبي الله ونعم الوكيل”.
