يعاني أهالي قرى مركز السنطة، بمحافظة الغربية، من انتشار أكوام القمامة بشكل كبير، وسط تجاهل المسؤولين بوزارة البيئة والوحدات المحلية، ما أدى إلى انتشار الأمراض والأوبئة.
يقول خالد حمدي، من قرية كفر كلا الباب لـ”رصد”: “القمامة منتشرة في كل شوارع القرية وكلمنا رئيس الوحدة المحلية أكثر من مرة ووعدنا إنه هيحل المشكلة في أسرع وقت ولكن لا حياة لمن تنادي الحكومة يومها بسنة”.
ويضيف محمود السيد “قلنا نكلم الجمعية الخيرية تشتغل وتنضف شوارع البلد ونجمع فلوس من أهالي القرية.. الجمعية أخدت الفلوس ونظفوا جزء بسيط بس من الشوارع ولسه المشكلة كما هي ومش عارفين نعمل إيه تاني.. اشتكينا في كل مكان نقدر نشتكي فيه ومفيش حد سأل فينا”.
ويعبر محمد عبدالعزيز، أحد أهالي قرية القرشية، عن استيائه من إهمال المحليات، قائلًا: “حياة المواطنين أصبحت في خطر بسبب القمامة المنتشرة في شوارع القرية والوضع كل يوم بيزداد سوء لازم يبقى فيه حل سريع للمشكلة دي.. ليه إحنا مننتفعش من القمامة دي وننشئ مصانع لتدوير القمامة وبكده يبقى خلصنا من ضرر كبير ووباء خطير وفي نفس الوقت أنتجنا وكسبنا فلوس”.
