بدأ موسم حصاد محصول الأرز بمحافظة الغربية وسط سخط واستياء بين المزارعين؛ من تدني أسعار بيع الأرز.
يقول الحاج محمد إسماعيل: “محصول الأرز مكلف ومجهد جدًا ولا نستغنى عن زراعته؛ لأن بيوتنا قائمة عليه في طعامنا ونبيع جزء منه ننفق منه على البيت ولكن سعره رخيص جدًا مبيغطيش التكاليف كنا بنبيعه بـ2200 جنيه وكان بيدخل كويس، أما الآن بـ1600 يعملوا إيه في الزمن ده”.
ويضيف إبراهيم محمد “أنا موظف وبصراحة المرتب مبيعملش حاجة لو اعتمدنا عليه هنجوع وأنا بزرع في الأرض عشان اعوض نقص المرتب، لكن الحكومة الآن بتحارب الفلاح وبتفرض غرامات على زراعة الأرز المخالف والدورة اللي بتنزلها قليلة جدًا ومحصول الأرز مكلف جدًا وسعر الأرز قليل جدًا بالنسبة للتكلفة، بس هنعمل ايه لو مزرعناش الأرز مش هنلاقي ناكل”.
