أغرقت مياه الصرف الصحي شارع عبدالسلام عارف بمدينة سنورس التابعة لمحافظة الفيوم؛ بسبب حدوث كسر في ماسورة رئيسية، ولم يحضرعمال الشركة إﻻ بعد أربع ساعات من كسر المأسورة.
يقول أحمد عثمان، أحد المتضررين: “اتصلنا بشركة الصرف الصحي وقولنالهم على الكسر قالوا هنبعت العمال قعدنا استنينا حوالي ساعة ومحدش جه.. رحت انا والجيران الشركة وقلنالهم على الكسر قالولنا روحوا انتوا واحنا هنبعت العمال وراكم على طول.. روحنا ومحدش جه إلا بعديها بأربع ساعات”.
وأكدت أم مصطفى، “المياه دخلت علينا البيت واحنا مش عارفين نعمل ايه ياريت حد من المسؤلين يقولنا نعمل ايه”.
ويضيف عبدالرحمن شحاتة “حاولت كتير انا والجيران اننا نسد المياه لحد ما عمال الشركة ييجوا ولكن ما قدرناش خالص”.
