اشتكي عدد من مواطني مدينة سنورس التابعه لمحافظة الفيوم من انتشار قاعات الأفراح بجوار منازلهم حيث أنها تسبب لهم إزعاج مستمر وخسائر مادية بسبب الألعاب النارية التي يتم اطلاقها بجوار منازلهم والتي قد تقوم بحرق محتويات المنازل أو حرق أسلاك الكهرباء وطالب الأهالي المسؤولين بتوفير أماكن جديدة للقاعات بعيدًا عن منازل المواطنين ، ولكن دون جدوى.
وتنتشر في مدينة “سنورس” بالفيوم بها مايقارب ال 10 قاعات وجميعها بجوار منازل الأهالي.
وفي تصريحات خاصة تحدث المواطنين لـ”رصد” مبدين غضبهم واستيائهم من تلك الظاهرة، حيث صرح “محمود شعبان” عامل بمصنع ملابس قائلا : “أنا عايز اعرف لو القاعات دي اتعملت بعيد عن المنازل هيحصل إيه . بدل الازعاج والصداع اللي بنشوفه كل يوم ده “.
وقال “ناصر ربيع” سائق :” أنا راجل شغال سواق يعني لازم أصحي من النوم بدري كل يوم وانام بدري ، وجنب بيتي قاعة أفراح وبتفضل شغاله لبعد الساعة 1 صباحًا ، الطبيعي اني مش هقدر انام الا بعد ما القاعة تقفل . والمفروض اني اصحي الساعة 6 صباحًا عشان أكل عيشي . ازاي هسوق العربية وانا مانمتش غير 5 ساعات وخصوصًا ان مهنتي محتاجة تركيز” .
وقالت “أسماء حسين” تعمل ممرضة بإحدي المستشفيات : ” دلوقت انا بشتغل في مستشفي ولازم اصحي كل يوم بدري وصوت القاعات ده بيخليني مبعرفش انام بالليل . وكمان الالعاب النارية اللي بيجيبوها دي في مرة حرقت الملابس اللي معلقة في البلكونة . أنا بطلب من المسؤولين توفير أماكن بديلة حرام كده ده ميرضيش ربنا !!”.
