تسود حالة من الغضب التام بين شباب مراكز محافظة بني سويف، وذلك بسبب عدم وجود وظائف في الدولة لهم بعد تخرجهم في الجامعات.

وكان  رئيس الوزراء، إبراهيم محلب، قد أشار إلى أن عصر الوظائف الحكومية قد انتهى، مشيراً إلى أن على الشباب خريجي الجامعات العمل كسائقي “توك توك”، الأمر الذي أثار سخط الشباب، فبعد أن ظل يتعلم في المدارس والجامعات، وبعد المبالغ الطائلة التي صُرفت عليه لإنهاء تعليمه، يجد من الدولة والمسؤولين أقصى درجات التجاهل والإهمال.

وفي حوار لشبكة “رصد” مع شباب بني سويف، قال خالد راضي: “يعني أنا أقعد 16 سنة بادرس وأتخرج من الجامعة، وبعدين يقولوا شوف توك توك واشتغل عليه؟! ده بيقلل من كرامتنا وهيبتها، وبيقلل مننا كشباب معاهم كليات، يعني أنا خريج كلية آداب أعمل إيه دلوقتي ولا لاقيين شغل ولا حاجة؟”.

كما عبر ممدوح رمضان، عن استيائه قائلا: “خلاص مابقتش فارقة متعلم مش متعلم الحكومة عايزة كله يبقى جاهل نبقى شغالين على تكاتك والدولة تفضل متخلفة ومنتقدمش أبدا.. أديلي شهرين مخلص كلية تربية قسم فرنساوي ومقدم في وظائف كتير، ولا لاقي أي حاجة وقاعد في البيت”.

وأوضح أحد الشباب سائقي التوك توك، ويدعى حامد محمود: “الحكومة بتستعبط على الشباب يعني يساووا بين اللي متخرج ومتعلم وبيني أنا اللي خارج من الدراسة، عايزين كلنا نشتغل على التوك توك، وأصلا هم بيحظروا التوك توك يعني هنا في مركز ناصر بيقفوا على الطريق، وممكن ياخدوا أي توك توك وخلاص ويقلولك محظور”.