تعاني منطقة البر الشرقي بشبين الكوم بالمنوفية، من أزمة مياه الصرف الصحي التي تغرق الشوارع، وتكررت شكاوى الأهالي، والاتصال بالمحافظة، ولكن لا مجيب.
يقول صالح كمال: “المجاري مغرقة الشوارع والصرف فيه مشكلة لو المسؤولين ورئيس الحي “جم” هتتحل، بس الظاهر إنهم مش عايزين يحلوها، وبنجيب ناس تصلحها على حسابنا، لكن ده مش حل لإن دي وظيفة الحكومة” .
وتقول عبير محمود، موظفة: “الصرف مبهدل الشارع بشكل سيئ وكمان مبهدل البيوت، أنا خليت ابني جاب رمل وحطه قدام البيت علشان ارحم بيتي من البهدلة على مانشوف الحكومة هتعمل إيه، المفروض إن شبين تكون الخدمات والمرافق فيها 24 ساعة لإنها مدينة كبيرة لكن بالشكل ده هي أقل من القرى نفسها”.
ويعلق رمضان خالد، طبيب: “الجو ده غير صحي بالمرة، إن المجاري تترك بالأيام تغرق الشوارع كده، هي الحكومة فين؟ وبعدين لما ده يكون حال الشوارع في شبين عاصمة المنوفية، أمال القرى عاملة ازاي؟!!”.
