تسببت مياه الصرف الصحي في غرق المدرسة الفنية “بنات” بمدينة سنورس بالفيوم، واستغاث الأهالي بسبب الروائح الكريهة والحشرات التي تنتنج عن هذه المياه الملوثة للبيئة.
وتقدم عدد من الأهالي بشكوى إلى إدارة المدرسة لكنها لم تستجب، وبعد ذلك تقدموا بشكوى إلى إدارة سنورس التعليمية ضد إدارة المدرسة، وأيضًا لم يتم الرد عليهم ولم يتم حل المشكلة حتى الآن.
يقول حسين شاكر، فلاح: “أنا عندي حتة أرض جنب المدرسة باكل منها أنا وولادي، دلوقتي الميه طفحت على الأرض عشان جنب سور المدرسة، فطبعًا كده الأرض بقت غير صالحة للزراعة، ولو زرعت المحصول هيكون مسرطن بسبب الميه دي، أنا عايز المسؤولين يشوفوا حل كل يوم بنقدم شكاوى ومفيش حد بيعبرنا”.
وعن سبب المشكلة، يقول عمي سيد، فراش بالمدرسة: “أنا شغال هنا عشان احرس المدرسة بس ماليش دعوة بالمشاكل دي، اللي عايز يشتكي يروح لإدارة المدرسة”.
ويعاني سكان المساكن الموجودة بجوار مدرسة الفنية بنات بمدينة سنورس بالفيوم من غرق شققهم في مياه الصرف الصحي، معربين عن توقعاتهم باحتمالية انهيار هذه المساكن نتيجة تآكل الاثاثات من مياه الصرف الصحي.
ويقول عماد عزوز، أحد السكان، “احنا بقالنا فترة كبيرة بنعاني من المشكلة دي وكل مرة بنصلحها علي حسابنا الشخصي، وحاسس إن الحكومة مش موجودة اصلاً“.
وأضاف محمد أسامة “أنا النهاردة ولا عرفت انزل أجيب لولادي فطار ولا عرفت انزل أروح شغلي ولا عارف اقعد في شقتي من الريحة الكريهة، احنا المفروض اننا بني آدمين مش حيوانات عشان نعيش في الوضع ده، حراااام كده“.
وقالت سناء سمير ساخرة، “أنا هقول للرئيس في اشارة الي السيسي كلمة واحدة، احنا عندنا مياه الصرف الصحي عملت ترعة أكبر من اللي انت حفرتها واحتفلت بيها، أنا عايزاك تبعت حد من المسؤلين يحتفل بيها معانا “.
