تستمر معاناة أهالي وساكني قرية بني عدي، التابعة لمركز ناصر ببني سويف، من أزمات لا تنتهي، وسط تجاهل الحكومة والمجلس المحلي للقرية للحد من هذه الأزمات، ومنها أزمة الصرف الصحي.
يقول رمضان رجب: “المياه دي موجودة في معظم الشوارع بتيجي لوحدها في فترات معينة، وبلغنا المجلس المحلي ييجي يظبط الطريق قالولي روح المركز بناصر وقلهم، ورحت هناك وعملنا الإجراءات وقالوا هنيجي نشوف الطريق ونظبطه، ولكن أديلنا شهر تاني أهوه، ولا حياة لمن تنادي، هيا أزمة مش هتنتهي”.
وقال سلام ضبع: “المياه بتيجي في أماكن عامة في القرية يعني مش في كل مكان بتيجي في منطقة البركة بوسط البلد، دي أهم مكان في القرية، يعني كل العربيات بتمشي منها يبقى إزاي المجلس يفضل سايب الصرف الصحي كده ومش بيتحرك؟.. وبعتنا شكوى في المجلس للمركز في ناصر ولا عملوا أي حاجة.. بيريحونا وخلاص”.
وتعلق أم محمد جمال: “الميه بتطلع وتغرق الشوارع اللي كلها بايظة أصلا، ولازم حد يشوف حل للمشكلة والمجلس يعمل حاجة عشان موضوع المياه ده، مش بنعرف نمشي في الشوارع”.
